दिल्ली म दिखिस छत्तीसगढ़ी संस्कृति अऊ परब के झलक

कृषि परंपरा ले जुड़े परब ‘हरेली’ छत्तीसगढ़ भवन म धूमधाम ले मनाईस
प्रकृति के प्रति प्रेम अऊ समर्पण के लोक परब हे ‘हरेली’
रायपुर, छत्तीसगढ़ के मुख्यमंत्री भूपेश बघेल ह राज्य के तीज-तिहार, परंपरा अऊ संस्कृति ल आगू बढ़ाए के पहल करे हें। देश के राजधानी दिल्ली म मनखे मन राज्य के लोक संस्कृति ले जुड़ सकयं ए खातिर छत्तीसगढ़ भवन म हरेली परब के आयोजन करे गीस। हरेली म नई दिल्ली के लुटिएन्स ज़ोन म सांस्कृतिक कार्यक्रम मन के संग छत्तीसगढ़ी पकवान मन के खुशबू घलोक बगरिस। ये बेरा म छत्तीसगढ़ के पारंपरिक व्यंजन मन के घलोक दिल्लीवासी मन ह जमके मजा लीन।
दिल्ली म बसे छत्तीसगढ़ के मनखे मन ह घलोक मुख्यमंत्री के ये पहल ल अड़बड़ सहराईन। उमन कहिन कि अइसन आयोजन ले ओ मन अपन संस्कृति के तीर लाथे। ये आयोजन म छत्तीसगढ़ के आवासीय आयुक्त श्री अजीत वसंत संग आन गणमान्य अतिथि अऊ दिल्ली म रहइया छत्तीसगढ़वासी बड़ संख्या म सामिल होइन।