रैपुर, मुख्यमंत्री श्री भूपेश बघेल ले आज ऊंखर निवास कार्यालय म संस्कृति मंत्री श्री अमरजीत भगत के सियानी म छत्तीसगढ़ फिल्म एसोसिएशन के अध्यक्ष श्री दिलीप षडंगी, संरक्षक पद्म विभूषण सम्मान ले सम्मानित प्रसिद्ध पंडवानी गायिका श्रीमती तीजन बाई अऊ पदाधिकारी मन ह सौजन्य मुलाकात करिन अऊ नवा फिल्म नीति निर्माण बर आभार जताइन।
छत्तीसगढ़ फिल्म एसोसिएशन के अध्यक्ष श्री दिलीप षडंगी ह बताइस कि फिल्म कलाकार मन के सुविधा बर एसोशियेशन कोति ले वेब साइट बनाए गए हे। उमन बताइस कि पहिली फिल्म कलाकार मन ल फिल्म के टाइटिल रजिस्ट्रेशन, फ़िल्म रजिस्ट्रेशन, कलाकार मन के रजिस्ट्रेशन बर बम्बई जाना परत रहिस, ये वेब साइट के शुभारम्भ के बाद इहां के कलाकार मन ल ए काम बर बम्बई जाय के जरूरत नइ परय। एसोशिएशन ह मुख्यमंत्री ल ज्ञापन घलोक सौपीस। ये बेरा म छत्तीसगढ़ फिल्म एसोशिएशन के पदाधिकारी सर्वश्री शैलेश वर्मा, होमन देशमुख, ज्योतिरादित्य वर्मा संग बहुत अकन पदाधिकारी उपस्थित रहिन।
मुख्यमंत्री ले छत्तीसगढ़ फिल्म एसोशिएशन के पदाधिकारी मन ह करिन सौजन्य मुलाकात : नवा फिल्म नीति निर्माण बर जताइन आभार
