रायपुर, 26 दिसम्बर 2023। मुख्यमंत्री श्री विष्णु देव साय ले आज इहां राज्य अतिथि गृह पहुना म छत्तीसगढ़ी फ़िल्म पुरस्कार समारोह – स्मार्ट सिनेमा अवार्ड 2024 के आयोजक मन ह सौजन्य मुलाक़ात करिन। उमन मुख्यमंत्री ल राजधानी रायपुर के पं. दीनदयाल उपाध्याय ऑडिटोरियम म 17 जनवरी के आयोजित छत्तीसगढ़ी फ़िल्म पुरस्कार समारोह म सामिल होए बर नेवता दीन। मुख्यमंत्री श्री साय ह आयोजक मन ल नेवता बर धन्यवाद दीन।
जानबा हे कि छत्तीसगढ़ी फिल्म के भीष्म पितामह स्वर्गीय श्री विजय कुमार पाण्डेय के स्मृति म हर साल ये समारोह के आयोजन करे जाथे। जेखर उद्देश्य छत्तीसगढ़ी फिल्म के प्रतिभा ल पुरस्कृत करना हे। ये समारोह म प्रदेश भर के कलाकार सामिल होथें। ये बेरा म श्री जय प्रकाश पाण्डेय अउ श्री दीपक श्रीवास्तव घलोक उपस्थित रहिन।
