छत्तीसगढ़ी रेडियो चैनल एफएम 91.2 के सुरू करे के बेरा बर दीस नेवता
रायपुर, मुख्यमंत्री श्री भूपेश बघेल ले काली संझा ऊंखर निवास कार्यालय म सुप्रसिद्ध लोक गायिका श्रीमती अलका परगनिहा चंद्राकर ह सौजन्य मुलाकात करिस। मुख्यमंत्री ल उमन छत्तीसगढ़ी रेडियो चैनल एफएम 91.2 के सुरू करे के बेरा म माई पहुना बने खातिर नेवता दीस। मुख्यमंत्री ह नेउते बर ओ ल धन्यवाद दीस।
श्रीमती चंद्राकर ह बताइस रेडियो एफएम चैनल 91.2 के शुभारंभ कुम्हारी जिला दुर्ग म होवईया हे। जेखर प्रसारण पूरा छत्तीसगढ़ी बोली म करे जाही। एखर संगेच ये चैनल के ऐप के घलोक शुरुआत होवईया हे। वो ह बताइस कि ये एफएम के शुरू करे के मुख्य उद्देश्य छत्तीसगढ़ी कला, संस्कृति, बोली अउ स्थानीय लोक-जीवन के प्रचार-प्रसार करना हे। ये मौका म श्री श्याम वर्मा अउ श्री अमित परगनिहा घलोक मौजूद रहिन।
