प्रदेशभर के 6,521 भाग लेवइया 821 विविध कार्यक्रम मन म देगें प्रस्तुति
रायपुर, राज्य स्तरीय युवा महोत्सव म ये पइत शास्त्रीय संगीत म हिन्दुस्तानी अऊ कर्नाटक शैली अऊ शास्त्रीय नृत्य म कत्थक, ओडिसी, कुचीपुडी, मणिपुरी, भरतनाट्यम के संगें-संग छत्तीसगढ़ी लोक गीत अऊ लोक नृत्य करमा, राउत नाचा, पंथी, सरहुल, सुवा, डंडा, बस्तरिया नृत्य के आकर्षक प्रस्तुति होही। संगेच छत्तीसगढ़ी कलेवा मन के फूड फेस्टिवल के आयोजन पहली पइत महोत्सव म करे जात हे। स्वामी विवेकानंद के जयंती म राज्य शासन, खेल अउ युवा कल्याण विभाग कोति ले 12 जनवरी ले तीन दिन के राज्य स्तरीय युवा महोत्सव के आयोजन करे जात हे। राज्य स्तरीय युवा महोत्सव के उद्घाटन 12 जनवरी के राजधानी के खेल संचालनालय परिसर म बने मुख्य मंच म भिनसरहा 10 बजे होही। ये युवा महोत्सव म 821 आने-आने कार्यक्रम के प्रस्तुति होही।
राज्य स्तरीय युवा महोत्सव के पहिली दिन (12 जनवरी) के खेल संचालनालय परिसर के मुख्य मंच म लोकनृत्य करमा नाचा, दूसर मंच म लोक नृत्य अऊ ओपन मंच म राउत नाचा के प्रस्तुति होही। खेल संचालनालय के ऊपर के हॉल म मंझनिया 1 बजे ले संझा 6 बजे तक निबंध अऊ चित्रकला प्रतियोगिता होही। पंडित दीनदयाल उपाध्याय ऑडिटोरियम के तीनों कक्ष म मंझनिया एक बजे ले संझा 6.30 बजे तक लोकगीत (1500 सीटर हॉल म), शास्त्रीय हिन्दुस्तानी अऊ कर्नाटक संगीत (100 सीटर हॉल म), गिटार अऊ सितार वादन (60 सीटर हॉल म) के प्रतियोगिता होही। पंडित रविशंकर शुक्ल विश्वविद्यालय प्रेक्षागृह म मंझनिया 1 बजे ले रात 7 बजे तक एकांकी नाटक अऊ विज्ञान महाविद्यालय ऑडिटोरियम म मंझनिया 1 बजे ले रात 8 बजे तक तबला वादन के प्रतियोगिता होही। विश्वविद्यालय खेल प्रतियोगिता परिसर के खुला मैदान म मंझनिया एक बजे ले महिला अउ पुरूष खेल खो-खो, कबड्डी के आयोजन होही।
युवा महोत्सव के दूसर दिन (13 जनवरी) के खेल संचालनालय परिसर के मुख्य मंच म भिनसरहा 9 बजे ले रात 7 बजे तक लोक नृत्य, सरहुल नृत्य, दूसर मंच म सुवा नृत्य, डण्डा नाच अऊ ओपन मंच म पंथी, बस्तरहिया नृत्य के प्रतियोगिता होही। पंडित दीनदयाल ऑडिटोरियम म 1500 सीटर हॉल म भिनसरहा 9 बजे ले संझा 6 बजे तक कत्थक, ओडिसी, कुचीपुड़ी, मणीपुरी नृत्य प्रतियोगिता, 100 सीटर हॉल म तात्कालिक भाषण, भरतनाटयम अऊ पारम्परिक वेशभूषा प्रतियोगिता अऊ 60 सीटर हॉल म बांसुरी वादन प्रतियोगिता के आयोजन करे जाही। पंडित रविशंकर शुक्ल विश्वविद्यालय ऑडिटोरियम म भिनसरहा 9 बजे ले रात 9 बजे तक एकांकी नाटक अऊ विज्ञान महाविद्यालय ऑडिटोरियम म भिनसरहा 9 बजे ले संझा 6 बजे तक हारमोनियम, मृदंगम अऊ वीणा वादन के प्रतियोगिता होही। खेल संचालनालय के ऊपर हॉल म भिनसरहा 9 बजे ले संझा 6 बजे तक वाद-विवाद अऊ क्विज के प्रतियोगिता अऊ खेल परिसर डोम म फूड फेस्टिवल के आयोजन भिनसरहा 9 बजे ले मंझनिया 1 बजे तक करे जाही। विश्वविद्यालय खेल प्रतियोगिता परिसर के खुला मैदान म खेल खो-खो (महिला), कबड्डी (महिला), गेड़ी दौड़ के सेमी फाइनल अऊ फाइनल राऊंड खेले जाही।
युवा महोत्सव के तीसर दिन (14 जनवरी) खेल संचालनालय परिसर के मुख्य मंच म भिनसरहा 9 बजे ले मंझनिया एक बजे तक रॉक बैंड अऊ ओपन मंच म फुगड़ी, भौंरा प्रतियोगिता अऊ हॉल म भिनसरहा 10 बजे ले मंझन 12 बजे तक क्विज के फाइनल राऊंड के आयोजन होही। पंडित रविशंकर शुक्ल विश्वविद्यालय ऑडिटोरियम म 7 जिला मन के एकांकी नाटक अऊ विश्वविद्यालय खेल परिसर म भिनसरहा 9 बजे ले 11 बजे तक खो-खो (महिला/पुरूष), कबड्डी (महिला/पुरूष) के सेमीफाइनल, फाइनल राउंड अउ कहूं मैच बांचे रइही त हार्ड लाईन मैच के आयोजन होही। 14 जनवरी के मंझनिया 2 बजे खेल संचालनालय परिसर के मुख्य मंच म समापन समारोह आयोजित होही।
राज्य स्तरीय युवा महोत्सव म 15 ले 40 साल अऊ 40 साल ले जादा आयु वर्ग के प्रदेश भर के छै हजार 521 युवा भाग लेहीं। एमां 3 हजार 613 पुरूष, 2 हजार 433 महिला भाग लेवइया अऊ 301 पुरूष अऊ 174 महिला अधिकारी कर्मचारी सामिल होवत हें।
