छत्तीसगढ़ी भाखा ल 8 वीं अनुसूची में सामिल करे खातिर संकल्प बर मुख्यमंत्री भूपेश बघेल के “छत्तीसगढ़ के अंचरा” हा जताइन आभार

दुर्ग, 29 अगस्त 2020। राजभाषा छत्तीसगढ़ी ल संविधान के 8वी अनुसुची म शामिल करे के शासकीय संकल्प 28 अगस्त 2020 छत्तीसगढ़ विधानसभा म सबो विधायक के सर्वसम्मति ले पारित होगे हे, संस्कृति सेवी संस्था “छत्तीसगढ़ के अंचरा” के संयोजक प्रतुल कौशल चंद्राकर हा विज्ञप्ति जारी करके आभार व्यक्त करिन अऊ किहिन कि, हमर मातृभासा अऊ राज्य के राजभासा छत्तीसगढ़ी के चिंता करईया प्रदेश के मुखिया श्री भूपेश बघेल जी हा प्रथम बार राजभासा बनाय बर संकल्प लाय रिहिस अब फेर शासकीय संकल्प लाईस ,अऊ छत्‍तीसगढ़ी भाखा ला संविधान मं दर्जा देवाय बर संकल्प पारित करे बर जम्मो विधायक मन के अऊ मुखिया जी के आभार हमर संस्था अऊ छत्‍तीसगढ़िया मनखे मन करत हे, मुख्यमंत्री के छत्‍तीसगढ़ी भाषा बर मया ल देख के आज जम्मो छत्तीसगढ़िया मन हा महतारी भाखा के गौरव बाढ़ गेहे ,अउ मुख्यमंत्री ले गोहार हाबय के “एम.ए छत्तीसगढ़ी” म पढ़े लिखे लईका मन बर रोजगार मिले तेखर बर प्रयास करे के मांग समिति के प्रतुल कौशल चंद्राकर (संयोजक), सदस्य पुनेश साहु, आशीष पटेल, खुमेंन्द्र साहु ,रितेश ठाकुर,प्रशांत मंडले करिस हे।