संस्कृति मंत्री श्री अमरजीत भगत छत्तीसगढ़ी राजभाषा दिवस म 19 साहित्यकार-भाषाविद मन ल करहीं सम्मानित

रायपुर, संस्कृति मंत्री श्री अमरजीत भगत आज 28 नवम्बर के छत्तीसगढ़ी राजभाषा दिवस के अवसर म आयोजित कार्यक्रम म छत्तीसगढ़ी राजभाषा के 19 साहित्यकार-भाषाविद मन ल सम्मानित करहीं। ये कार्यक्रम के अध्यक्षता संसदीय सचिव श्री कुंवर सिंह निषाद करहीं। कार्यक्रम के आयोजन राजभाषा आयोग कोति ले राजधानी रायपुर के महंत घासीदास संग्रहालय स्थित सभागार म बिहनिया 9 बजे ले करे जाही।
छत्तीसगढ़ राजभाषा आयोग के सचिव डॉ. अनिल कुमार भतपहरी ह बताइस कि कार्यक्रम म जेन साहित्यकार-भाषाविद मन ल सम्मानित करे जाही ओमां रायगढ़ के सेवानिवृत्त प्राचार्य अऊ वरिष्ठ साहित्यकार डॉ. बिहारी लाल साहू, नवापारा खैजा के सेवानिवृत्त व्याख्याता श्री हर प्रसाद निडर, शासकीय महाविद्यालय महासमुंद के प्राध्यापक डॉ. अनुसुईया अग्रवाल, सेवानिवृत्त प्रोफेसर अऊ चंदैनी गोंदा के उद्घोषक डॉ. सुरेश देशमुख, मगरलोड के वरिष्ठ साहित्यकार श्री पुनूराम साहू, दुर्ग के वरिष्ठ साहित्यकार अऊ पूर्व बैंक प्रबंधक श्री अरूण निगम, कुडुख, सादरी अऊ हिन्दी कविता अऊ कहानी लेखक अऊ सहायक प्राध्यापक जशपुर डॉ. कुसुम माधुरी टोप्पो, दुर्ग के वरिष्ठ साहित्यकार अऊ गीतकार श्री गिरवरदास मानिकपुरी, रायपुर के वरिष्ठ साहित्यकार अऊ गीतकार अऊ नगरीय प्रशासन संचालनालय म निज सचिव श्री रमेश विश्वहार, महासमुन्द के पहिली सहायक पशु चिकित्सा परिक्षेत्राधिकारी श्री बंधु राजेश्वर खरे, वरिष्ठ छत्तीसगढ़ी उद्घोषक अऊ कार्यक्रम अधिकारी आकाशवाणी रायपुर के श्री श्याम वर्मा, रायपुर के वरिष्ठ पत्रकार पहट पत्रिका श्री गुलाल वर्मा, हरिभूमि चौपाल के सम्पादक डॉ. दीनदयाल साहू दुर्ग, न्यूज 24 म.प्र.-छ.ग. के सम्पादकीय सलाहकार श्री संदीप अखिल रायपुर, न्यूज 36 वेब चैनल के सम्पादक श्री नवीन देवांगन बिलासपुर, बिलासपुर के वरिष्ठ साहित्यकार सुश्री लता राठौर, सरगुजिहा भाखा के पत्रिका के प्रकाशक अऊ सेवानिवृत्त बैक अधिकारी अंबिकापुर डॉ. सुधीर पाठक, गोंडी भाखा के साहित्यकार सुश्री जयमति कश्यप कोण्डागांव अऊ रायपुर के वरिष्ठ छत्तीसगढ़ी उद्घोषिका श्रीमती तृप्ति सोनी सामिल हे।