छत्तीसगढ़ी रोमांटिक गाना ‘बरस गे’, होइस रिलीज, सोशल मीडिया म होवत वायरल

रायपुर, 26 जुलाई 2020। कुछ दिन पहली रिलीज़ होय गीत ‘कॉलेज वाला लाइफ’ अब्बड़ चर्चित रिहिस अउ ये गाना के सफलता के बाद विकास फिल्म्स ह नवा छत्तीसगढ़ी गीत ‘बरस गे’ ज़ी म्यूजिक छत्तीसगढ़ी यू ट्यूब चैनल म शनिवार 25 जुलाई के रिलीज़ कर दिस हे। ये गाना म अभिनय के जादू बीखेरा हे प्रतिभावान युवा अभिनेता विकास चन्द्राकर जोन ह बहुत सारा हिट गाना मन म पहली घलो नजर आ चुके हे अउ इंखर संग नवोदित अभिनेत्री रिचा शर्मा लीड रोल म नजर आवत हे। ये गीत ल संगीत ले सजाये हे युवा होनहार संगीत निर्देशक अनवेश मलिक ह अउ एखर बोल लिखे हे बॉलीवुड अउ छालीवुड लेखक सूर्या समुद्र ह अउ ये गाना म अपन आवाज के जादू चलाये हे मोर संसार ,निक लागे जइसे हिट गीत मन के गायिका श्वेता महिमा दास अउ हमन छत्तीसगढ़िया बाबू जी, मोर तीर म, कॉलेज वाला लाइफ, मोर साथ जइसे हिट गीत मन के गायक राजन कर सी जी बाबू ह, ये गीत के वीडियो निर्देशन युवा अभिनेता अउ निर्देशक धनंजय जायसवाल ह करे हे। अउ फिल्मांकन करे हे शंकर नाइक ह अउ उंखर सहयोगी कैमरामैन शिवम ठाकुर (नुआपरा ओड़िशा) रिहिस। गीत के एडीटिंग के जिम्मेदारी शंकर नाइक अउ महासेन गिलहरे ह सँभाले हे। एखर स्क्रीन प्ले लिखे हे हिमांशु ध्रुववंशी अउ धनेंद्र चन्द्राकर जी ह अउ कलरिंग के जिम्मा नाइक स्टूडियो नुआपड़ा ओड़िसा ल दे गए रिहिस। ड्रोन के जिम्मेदारी गुलशन फ़ोटो स्टूडियो तिल्दा ह निभाये हे। वीडियो के जवाबदारी एम एस फोटोग्राफी भोरिंग अउ श्रुष्टि फोटोग्राफी झलप ल दे गए रिहिस। मोशन पोस्टर नाइक फिल्म्स , मेकअप संजय, ड्रेसिंग धनंजय जायसवाल के हे। जब विकास फिल्म्स ले ये गाना म विशेष सहयोग के बात पूछे गिस त उंखर तरफ ले विशेष विशेष धन्यवाद तरुण सिन्हा, रविन्द्र साव, योगेन्द्र बांधे, धनेन्द्र चंद्राकर,चक्रधारी, गोपी, बिसेसर, गोलू अउ कॉलेज वाला लाइफ के पूरी टीम ल दिस अउ विकास फिल्म्स अउ ये गाना के निर्माता कमलेश (राजू) चंद्राकर जी अउ चंद्रहास (गोलू ) चंद्राकर जी हे l