लइका मन के हाजिर जवाबी ले प्रभावित होइन मुख्यमंत्री

रायपुर, शिवाजी जयंती महोत्सव अउ लोकार्पण समारोह म, मुख्यमंत्री जब अपन सम्बोधन बर पहुंचिन, त सभा म आगू बइठे स्कूली लइका आपस म बातचीत करत रहिन। मुख्यमंत्री ह सहजेच लइका मन ले बड़ मया के संग बात चालू करिन अऊ शिवाजी के जीवनी ले जुड़े कुछ सवाल पूछिन। लइका मन ह ऊंखर सवाल उपर गहरी रूचि लेके लउहे सवाल मन के सही जवाब दीन। मुख्यमंत्री ह लइका मन ले पूछिन के शिवाजी के माता के नाम का रहिस। लइका मन ह बताइस के जीजाबाई। ये पूछे म के शिवाजी कतका साल के उम्‍मर तक जीवित रहिन। लइका मन ह बताइन के 52 साल म। मुख्यमंत्री ह लइका मन के जानकारी के प्रशंसा करत उत्साह बढ़ाइन अऊ गुरूजी मन के घलोक तारीफ करिन। मुख्यमंत्री ह लइका मन ले कहिन के ओ मन ल देश के महापुरूष मन के संग छत्तीसगढ़ के महापुरूष मन के जीवनी पढ़न चाही। एखर से आगू बढ़े के प्रेरणा मिलथे। लइका मन अपन लक्ष्य निरधारित करव अऊ लगन के संग आगू बढ़व। उमन मन लगाके पढ़ाई करंय अऊ आगू चलके देश के अच्छा नागरिक बने के समझाईस लइका मन ल दीन।

साइकलिंग के खिलाड़ी ल सायकल बर मिलीस 80 हजार के स्वेच्छानुदान
मुख्यमंत्री ह कार्यक्रम म ग्राम नरदहा के सायकलिंग खेल के उभरत खिलाड़ी साजन कुर्रे ल साइकिल बिसाये बर 80 हजार रूपिया के स्वेच्छानुदान स्वीकृत करिन। साजन कुर्रे ह मुख्यमंत्री ल मंच म जाके स्पोर्टस सायकल बिसाये बर सहायता के आग्रह करे रहिन। साजन कुर्रे गांव के हायर सेकेण्डरी स्कूल म कक्षा 11वीं के पढ़ाई करथें। उमन 8 ले 12 फरवरी तक पूणे म आयोजित राष्ट्रीय खेल म 7वॉ स्थान प्राप्त करे हें। मुख्यमंत्री ह ओ ला उज्जवल भविष्य के आशीर्वाद दीन। राज्यसभा सांसद श्रीमती छइंहा वर्मा ह कार्यक्रम के अध्यक्षता करत कहिन के छत्तीसगढ़ मे नवा सुराज आये हे, किसान खुशहाल हे। ए अवसर म बहुत अकन जनप्रतिनिधि अऊ बड़ संख्या म ग्रामीण उपस्थित रहिन।

एहू ल पढ़व ..  बेलासपुर म महाकवि कपिलनाथ कश्यप जयंती अउ सम्मान समारोह सम्पन्न

लउछरहा..