- भाग लेवईया मन के प्रदर्शन देख मंत्रमुग्ध होइन अतिथि
- जिला स्तरीय राष्ट्रीय आदिवासी नृत्य अऊ युवा महोत्सव
रायपुर, मंत्री स्कूल शिक्षा, अनुसूचित जाति अऊ जनजाति, आन पिछड़ा वर्ग डॉ. प्रेमसाय सिंह टेकाम ह सूरजपुर जिला मुख्यालय म आयोजित जिला स्तरीय राष्ट्रीय आदिवासी नृत्य महोत्सव अऊ युवा महोत्सव के शुभारंभ करत कहिन कि सुआ, करमा, शैला, डोमकेच नृत्य अऊ गेड़ी दौड़ छत्तीसगढ़ संस्कृति अऊ परम्परा के पहिचान हे। उमन कहिन कि राज्य सरकार कोति ले कलाकार मन ल बाढ़ावा देहे के सरलग उदीम करे जावत हे। जेखर से आदिवासी मन ल एक अच्छा मंच अऊ उचित सम्मान मिल सकत हे। प्रदेश के संस्कृति ल बढ़ावा देहे के उद्देश्य ले राज्य म राज्यगीत चालू करे गए हे। जऊन ल हर एक राज्य स्तरीय कार्यक्रम म सुनाए जाही। ये बेरा म उमन मांदर म थाप देके नृत्य दल मन के उत्साहवर्धन तको करिन।