कहिन:- खेलते-खेलत अपन फोटो/वीडियो सोशल मीडिया म करव साझा
जगदलपुर, मुख्यमंत्री श्री भूपेश बघेल ह ’छत्तीसगढ़िया ओलंपिक’ म भाग लेवइया मन ले अपील करत कहिन के कहूं आप मन घलो ‘छत्तीसगढिया ओलम्पिक’ म भाग लेवत हव, त आप मन खेलत हम सब देखबो.. सबो खेलत-खेलत अपन फोटो/वीडियो हैशटैग #CGOlympics2022, #KhelboChhattisgarh के संग सोशल मीडिया म साझा कर सकत हें। उमन अपन अपील म कहिन कि भाग लेवइया मोला @BhupeshBaghelCG/@BhupeshBaghel/@BhupeshBaghelinc टैग/मेंशन घलोक कर सकत हें।
मुख्यमंत्री श्री भूपेश बघेल ह कहिन कि छत्तीसगढ़ के पारंपरिक खेल गतिविधि मन ल ग्रामीण क्षेत्र अउ नगरीय क्षेत्र मन म प्रोत्साहित करे, भाग लेवईया मन ल मंच प्रदान करे, उमन मां खेल मन के प्रति जागरूकता बढ़ाए अऊ खेल भावना के विकास करे के उद्देश्य ले छत्तीसगढ़िया ओलम्पिक के 6 अकटूबर ले शुभारंभ करे गए हे।
एकर समापन छै स्तर म होही, आखरी चरण राज्य स्तर म 6 जनवरी 2023 के होही। दलीय अउ एकल श्रेणी म 14 प्रकार के पारम्परिक खेल मन ल सामिल करे गए हे।
जानबा हे कि मुख्यमंत्री श्री बघेल के विजन के मुताबिक छत्तीसगढ़ म पारम्परिक खेल गतिविधि मन ल ग्रामीण अउ नगरीय क्षेत्र मन म प्रोत्साहित करे बर पहल करे गए हे। छत्तीसगढ़िया ओलम्पिक ले भाग लेवईया मन ल एक कोति उमन ल जिहां मंच मिलही, उहें दुसर कोति उकर मन मां खेल मन के प्रति जागरूकता बाढ़ही अऊ खेल भावना के विकास होही।
