कृषि मंत्री श्री नेताम ह 20 हजार करोड़ रुपिया किसान सम्मान निधि जारी करे म प्रधानमंत्री श्री नरेन्द्र मोदी के मानिन आभार

रायपुर, 10 जून 2024। छत्तीसगढ़ के कृषि विकास अउ किसान कल्याण मंत्री श्री रामविचार नेताम ह प्रधानमंत्री श्री नरेन्द्र मोदी के तीसरइया कार्यकाल के शपथ लेतेच देश के 9.3 करोड़ किसान मन ल 20 हजार करोड़ रुपिया के प्रधानमंत्री सम्मान निधि राशि जारी करे म धन्यवाद ज्ञापित करे हे। जानबा हे कि प्रधानमंत्री किसान सम्मान निधि योजना के तहत प्रदेश के 38 लाख ले जादा किसान पंजीकृत हे। कृषि मंत्री श्री नेताम ह कहिन कि प्रधानमंत्री श्री नरेन्द्र मोदी के अगुवई वाले हमर सरकार किसान हितैषी सरकार हे। उमन कहिन कि मुख्यमंत्री श्री विष्णु देव साय छत्तीसगढ़ के किसान मन के विकास ल प्राथमिकता म लेके काम करत हे। साय सरकार ह प्रधानमंत्री श्री नरेन्द्र मोदी ले करे गए वादा ल पूरा करत प्रति क्विंटल 3100 रुपिया के भाव ले प्रति एकड़ 21 क्विंटल धान बिसाए के वादा निभाइस। उमन कहिन कि हमर सरकार ह किसान मन के पाछू दू साल के बोनस राशि ल घलोक देके किसान मन के भरोसा जीत लेहे हे। उमन कहिन कि मोदी जी के गारंटी ल पूरा करत प्रदेश के गरीब अऊ वंचित मन बर 18 लाख प्रधानमंत्री आवास के स्वीकृति प्रदान करे गए हे। उहें प्रदेश के 70 लाख ले जादा माता अउ बहिनी मन ल महतारी वंदन योजना के तहत प्रति महिना 1 हजार रुपिया देहे जात हे।