रायपुर, 24 अक्टूबर 2020। छत्तीसगढ़ म कोरोना संक्रमित मन के रिकवरी दर म लगातार बढ़ोतरी होवत हे। विभिन्न कोविड अस्पताल, आइसोलेशन सेंटर अऊ होम आइसोलेशन मन म इलाज करात मरीज तेजी ले स्वस्थ होवत हे। प्रदेश म पीछू एक हप्ता (16 अक्टूबर ले 22 अक्टूबर) म 16 हजार 649 लोगन ह कोरोना ल मात दीन हे। प्रदेश म अब तक कुल एक लाख 43 हजार 212 मरीज ठीक हो चुके हे। कोरोना संक्रमित मन के पहिचान बर रोज औसतन 22 हजार के करीब सैंपल मन के जांच करे जावत हे। कोविड-19 के पुष्टि बर प्रदेश म अब तक कुल साढ़े 16 लाख ले जादा सैंपल मन के जांच करे गिस। पीछू एक हप्ता म ही एक लाख 51 हजार 392 मनखे मन के जांच करे गिस।
प्रदेश म कोरोना ऊपर विजय प्राप्त करने वाला कुल एक लाख 43 हजार 212 मरीज म ले 71 हजार 021 विभिन्न कोविड अस्पताल व कोविड केयर सेंटर ले अऊ 72 हजार 191 मरीज होम आइसोलेशन ले डिस्चार्ज होए हे। बीते एक हप्ता म स्वस्थ होए 16 हजार 649 म ले 2928 ह कोविड अस्पताल व आइसोलेशन सेंटर म अऊ 13 हजार 721 मरीज मन ह होम आइसोलेशन म अपन इलाज कराए हे। तेजी ले स्वस्थ होवत मरीज मन के सेती प्रदेश के रिकवरी दर घलो लगातार बढ़त हे। वर्तमान म इहां रिकवरी दर 84.18 प्रतिशत होगे हे, जबकि मृत्यु दर 0.99 प्रतिशत हे। रिकवरी अऊ मृत्यु दर के राष्ट्रीय औसत क्रमशः 89.53 प्रतिशत अऊ 1.51 प्रतिशत हे। प्रदेश म पीछू एक हप्ता के दौरान 16 अक्टूबर के 2539, 17 अक्टूबर के 2732, 18 अक्टूबर के 2077, 19 अक्टूबर के 2439, 20 अक्टूबर के 2288, 21 अक्टूबर के 1852 अऊ 22 अक्टूबर के 2722 मरीज कोरोना ले ठीक होए हे।