चीन के संग सीमा म होय झड़प म छत्तीसगढ़ के बेटा घलो होइस शहीद

रायपुर, 17 जून 2020। चीन के संग लद्दाख सीमा म होय हिंसक झड़प म छत्तीसगढ़ के बेटा घलो शहीद होय हे. मंगलवार के रात भारतीय सेना के 20 जवान मन के शहीद होय के जोन मनहूस खबर सुने बर मिलिस, ओमा कांकेर के गणेशराम कुंजाम घलो शामिल हे. 27 साल के गणेश राम के 1 महीना पहली ही भारत के लागवान घाटी म पोस्टिंग होय रहिस हे. जानकारी के अनुसार सोमवार के रात होय हिंसक झड़प म गणेश राम बुरा तरह ले घायल होगे रहिस, जोन ल इलाज बर अस्पताल म भर्ती करे गे रहिस, जिहां ओखर मउत होगे.

शहादत के खबर म गणेश राम कुंजाम के घर मातम पसर गे हे. घरवाला मन के रो-रो के बुरा हाल हे. गणेश कांकेर जिला के चारामा ब्लाक के क़ुर्रूटोला गांव गिधाली के रहने वाला रहिस. शहीद जवान के कका तिहारूराम कुंजाम ह बताइस कि 1 महीना पहली गणेश ले फोन म बात होय रहिस, तब वो जानकारी दे रहिस कि ओखर पोस्टिंग चीन बॉर्डर म होगे हे अउ वो उहँचे जावत हे. गणेश के कका ह बताइस कि ओ मन ल सेना के अधिकारी ह गणेश राम कुंजाम के शहादत के जानकारी दीस.