छत्तीसगढ़ म सतत विकास लक्ष्य अऊ अर्थव्यवस्था ल गति देहे के उदीम मन ल मिलत हे सराहना

रायपुर, 19 फरवरी 2020। छत्तीसगढ़ म सतत विकास लक्ष्य के आयाम मन के क्रियान्वयन अऊ अर्थव्यस्था ल गति देहे बर मुख्यमंत्री श्री भूपेश बघेल कोति ले करे जात उदीम मन ल अमेरिका म घलोक सराहना मिलत हे।

भारत के स्थाई प्रतिनिधि श्री सैयद अकबरूद्दीन ह ट्विटर म लिखे हे कि छत्तीसगढ़ के मुख्यमंत्री अऊ अधिकारी मन ह संयुक्त राष्ट्र संघ के दौरा म छत्तीसगढ़ म अर्थव्यवस्था ल गति देहे बर बहुआयामी प्रयास के संगेच सतत विकास लक्ष्य के प्राप्ति बर क्रियान्वित करे जात प्रयास मन ल साझा करे हें। एखर बर हम ऊंखर आभारी हवन।

हम आप ल बाता देवन के मुख्यमंत्री श्री भूपेश बघेल अऊ छत्तीसगढ़ के अधिकारी मन के टीम दस दिन के अमेरिका प्रवास म हे। ये दौरा के समय भारतीय अमेरिकी निवेशक मन सेबोस्टन, सेनफ्रांस्किो, न्यूयार्क म चर्चा करिन। उमन हार्वड विश्वविद्यालय म छत्तीसगढ़ म करे जात नवाचार अऊ कई ठन प्रयास मन उपर व्याख्यान दीन। एखरे संगेच दुनिया के सबले बड़े डाटा कम्पनी ईक्वीनिक्स अऊ संयुक्त राष्ट्र संघ के मुख्यालय संग बहुत अकन स्थान मन के भ्रमण करे हें।

लउछरहा..