रायपुर, छत्तीसगढ़ शासन कोति ले संचालित तीन महत्वपूर्ण योजना मन ल राष्ट्रीय स्तर म सराहना मिले हे। ऑफ़लाइन शिक्षा बर ब्लूटूथ आधारित ई-शिक्षा समाधान बुल्टू के बोल, राज्य के ग्रामीण क्षेत्र मन म नगद भुगतान बर डिजिपे सखी अऊ गोधन न्याय योजना ल भारत सरकार कोति ले आज़ादी के अमृत महोत्सव के अवसर म जारी डिजिटल ट्रांसफॉर्मेशन स्टोरीज के किताब म प्रकाशित करे गए हे।
चिप्स के मुख्य कार्यपालन अधिकारी श्री समीर विश्नोई ह बताइस कि देश कि स्वतंत्रता के 75वां वर्षगांठ म मनाये जात आज़ादी के अमृत महोत्सव बर देश के सबो राज्य मन म डिजिटल इंडिया के अंतर्गत करे गये अभिनव नवाचार मन ल सम्मिलित करके भारत सरकार कोति ले बुकलेट प्रकाशित करे गए हे, जेमां राज्य शासन कोति ले संचालित तीन योजना मन ल स्थान दे गए हे। बुकलेट के प्रकाशन मंडल म देश भर के आई.टी. के खांटी जानकार के संगें-संग चिप्स के संयुक्त मुख्य कार्यपालन अधिकारी एस.ई.एम.टी. के श्री नीलेश सोनी ल घलोक सामिल करे गए हे।
छत्तीसगढ़ के तीन योजना मन ल मिलीस राष्ट्रीय स्तर म पहिचान : मुख्यमंत्री श्री भूपेश बघेल के मार्गदर्शन म चिप्स के सुग्घर पहल
