अमेरिका म तको गूंजिस ’छत्तीसगढ़िया सबले बढ़िया’

रइपुर 10 अगस्त 2021 मंगल। अमेरिका के शिकागो म इंडियन कम्युनिटी आउटरीच ¼ICO½ के तत्वावधान म होवइया भारत दिवस परेड 2021 म नाचा ¼NACHA-North America Chhattisgarh Association½ ह छत्तीसगढ़ के प्रतिनिधित्व करत मिनी रइपुर के झांकी के माध्यम ले छत्तीसगढ़ के समृद्ध संस्कृति ल प्रदर्शित करीस। झांकी म राष्ट्रध्वज तिरंगा संग ’छत्तीसगढ़िया सबले बढ़िया’ अउ ‘भारत माता की जय’ के गूंज ह सात समुंदर पार छत्तीसगढ़ ल जीवन्त बना दीस। मुख्यमंत्री दाउ बघेल ह छत्तीसगढ़ के संस्कृति ल अंतर्राष्ट्रीय प्लेटफार्म देहे बर नाचा ल धन्यवाद देवत कहीन कि छत्तीसगढ़ के झांकी अमेरिका म देख के मन गरब ले भर उठीस । उन मन छत्तीसगढ़ के सांस्कृति ल अंतरराष्ट्रीय स्तर म ले के जाए बर नाचा शिकागो चैप्टर के कार्यकारी सदस्य सुश्री दीपाली सरावगी, श्री तिजेंद्र साहू, श्री सोनू जोशी, सुश्री शशि साहू, सुश्री नमिता कैस्था, श्री शंकर फतवानी, श्री गीता खेतपाल, श्री अभिजीत जोशी, श्री गणेश कर ल धन्यवाद दीस हवय।