19 मार्च 2021। जनसम्पर्क विभाग डाहर ले राज्य शासन के कल्याणकारी योजनामन के जानकारी देहे बर प्रदेश के जिलामन म छायाचित्र प्रदर्शनी सह-सूचना शिविर के आयोजन करे जावत हावय । खाद्य मंत्री श्री अमरजीत भगत ह बिरस्पत के सरगुजा जिला के बतौली सप्ताहिक हॉट-बाजार म छायाचित्र प्रदर्शनी सह-सूचना शिविर के शुभारंभ करीन। उन्मन छायाचित्र प्रदर्शनी ल लोगन मन के जानकारी बर अब्बड़ेच उपयुक्त बताइन।
मंत्री भगत द्वारा ये मौका म शासन के जनकल्याणकारी योजना अउ उपलब्धि मन पर अधारित जनसम्पर्क विभाग डाहर ले प्रकाशित मासिक पत्रिका जनमन, संबल के संगे सग आने अउ प्रचार सामग्री मन के वितरण करे गइन। छायाचित्र प्रदर्शनी के माध्यम ले छत्तीसगढ़ शासन के महत्वाकांक्षी योजना, नरवा, गरवा, घुरवा अउ बाड़ी, समर्थन मूल्य म धान खरीदी, गोधन न्याय, लघुवनोपज के खरीदी, राजीव गांधी किसान न्याय योजना अउ मुख्यमंत्री सुपोषण अभियान सहित शासन कोति ले संचालित कइयो अकन योजना मन ल आकर्षक छायाचित्र मन के माध्यम ले प्रदर्शित करे गे हावय।
खाद्य मंंत्री अमरजीत भगत ह करीन छायाचित्र प्रदर्शिनी सह—सूचना शिविर के शुभारंंभ
