वन मंडल रायपुर के अंतर्गत संचालित काम मन के जनप्रतिनिधि मन ह करिस निरीक्षण

रायपुर, 11 जून 2021। वन मंडल रायपुर के अंतर्गत संचालित कई ठन विकास काम मन के निरीक्षण गत दिवस 9 जून के राज्यसभा सांसद श्रीमती छाया वर्मा, संसदीय सचिव वन श्री चन्द्रदेव राय अऊ धरसींवा विधायक श्रीमती अनिता शर्मा मन करिन। उमन ये दौरान राजधानी तीर मोहरेंगा म स्थित प्राकृतिक पर्यटन केन्द्र अऊ वन्य प्राणी मन के संरक्षण बर बनाय गए इंदिरा प्रियदर्शनी नेचर सफारी म फलदार पौधा मन के रोपण घलोक करे गीस।
निरीक्षण के समय ऊंखर कोति ले नेचर सफारी मोहरेंगा के प्रबंधन अउर योजना के बारे म जानकारी प्राप्त करे गीस अऊ संगें-संग उहां स्थित वन संपदा, वृक्ष मन के प्रजाति, वन्य प्राणी मन के अवलोकन करिन। एखर बाद वन मंडल रायपुर अंतर्गत मूरा स्थित सामाजिक वानिकी अनुसंधान अऊ विस्तार के शीट प्रोडक्शन एरिया अऊ नर्सरी अऊ माना स्थित नर्सरी के निरीक्षण उमन करिन। ये दौरान ऊंखर कोति ले रायपुर वन मंडल अंतर्गत वर्षा ऋतु म पौध रोपण के तैयारी के जानकारी लेहे गीस अऊ एखर सफल संचालन बर संबंधित विभागीय अधिकारी मन ल जरूरी निर्देश देहे गीस। वन मंडलाधिकारी रायपुर श्री विश्वेष झा ह बताइस कि चालू साल के समय वन मंडल रायपुर के अंतर्गत 10 लाख 94 हजार 755 पौधा मन के वितरण के लक्ष्य हे।