श्रीमती छेनो बाई ह डबरी निर्माण वरदान साबित होइस

मछरी पालन के संग साग-सब्जी के घलो करत हे खेती
अतिरिक्त आमदनी प्राप्त होए ले परिवार के आर्थिक स्थिति होइस मजबूत
रायपुर, 30 अगस्त 2023

जशपुर विकाखण्ड के ग्राम पंचायत पोरतेंगा निवासी श्रीमती छेनो बाई अउ उकर परिवार ब मनरेगा के तहत 3 लाख रूपिया के लागत ले बने डबरी वरदान साबित होइस हे। वर्षा आधारित एक मात्र फसल के खेती करे वाली छेनो बाई अउ उकर परिवार के लोगन मन अब दोहरी फसल लेहे लगे हे। डबरी में मछली पालन अउ साग सब्जी के खेती ले उमन के बढ़िया आमदनी होए लगे हे।
श्रीमती छेनो बाई ह बताइस कि उकर परिवार के करा पैतृक खेती भूमि हे फेर सिंचाई के साधन नई होए के सेती खेती नई कर पात रहिस हे। वर्षा काल में बमुश्किल एक फसली खेती ले 8 सदस्यीय परिवार के गुजर बसर में परेशानी होथे। मनरेगा के तहत शासन डहर ले मेड़ बंधान अउ डबरी निर्माण के जानकारी मिले म ओ ह रोजगार सहायक करा मुलाकात कर एकर ब ग्राम पंचायत ल विधिवत आवेदन दिस। उकर खेत में डबरी निर्माण ब 3 लाख रूपिया के स्वीकृति मिलिस। ए काम ले उकर परिवार के सदस्य अउ दूसर ग्रामीणजन मन सहित कुल 46 परिवार ल अतिरिक्त रोजगार घलो मिलिस हे।
मनरेगा के तहत् खेत में बने डबरी में अब साल भर पानी बने रईथे जेकर चलते फसल सिंचाई ल लेके चिंता खतम हो गए हे। ओ ह अउ उकर परिवार के लोग अब निश्चिंतता के संग खेती करे लगे हे। बछर में दोहरी फसल के संग ही साग-सब्जी के घलो उत्पादन करे जाथ हे। मत्स्य विभाग कती ले मछली पालन ब मत्स्य बीज अनुदान में दिए गए हे। मछली पालन ले अतिरिक्त आमदनी होए से परिवार के आर्थिक स्थिति मजबूत होइस हे।