छींद कांसा जशपुर के एक खास धरोहर : टुकनी बनाके बनत हें दीदी मन लखपति

’स्व सहायता समूह के 100 महिला मन छिंद अऊ कांसा ले बनावत हे सुन्दर अऊ लोभलोभावन टुकनी
जिला अऊ आन राज्य के कोना-कोना ले हमेशा बने रहिथे मांग
जशपुर, मुख्यमंत्री श्री विष्णु देव साय के सुशासन म महिला मन ल स्वावलंबी अऊ आत्मनिर्भर बनाए बर स्व सहायता समूह मन ल मजबूत करे जात हे अऊ उमन ल कई ठन आजीविका मूलक गतिविधि मन ले जोड़े जात हे। जशपुर जिला के दूरस्थ अंचल के महिला मन के संग छिंद कांसा ले बनाय टुकनी अउ आन उत्पाद काफी टिकाऊ अउ मनमोहक हे। ये मूलतः जशपुर जिला के काँसाबेल विकासखण्ड के स्व सहायता समूह के दीदी मन ह बनाथें अऊ बनेच कमई करत हें। ये उदीम लगभग 30 साल जुन्ना हे फेर एमा उद्यमिता के छाप राष्ट्रीय ग्रामीण आजीविका मिशन अऊ छत्तीसगढ़ हस्तशिल्प बोर्ड के प्रयास ले संभव होए हे।
अभीन लगभग 100 महिला मन ए उद्योग ले जुड़े हे अऊ सरलग उत्पादन अउ विक्रय के काम म लगे हे। लोभलोभावन अउ सुन्दर छिंद कांसा के टुकनी होए के सेती एकर जिला म अऊ राज्य के कोना-कोना म मांग बने रहिथे। जशपुर जिला उत्पाद मन के विशेष ब्रांड जशप्योर के बने के बाद भारत के आन राज्य मन ले घलोक येकर सरलग मांग बाढ़त हे, जेखर से ए उद्योग ले जुड़े महिला मन म विशेष उत्साह नजर आत हे। छिंदकासा काम काँसाबेल विकासखण्ड के कोटानपानी ग्राम पंचायत के अधिकतर घर के महिला मन करत हें कोटानपानी ग्राम पंचायत मूलतःआदिवासी बाहुल्य क्षेत्र हे।