छिन्दनार, नेरली अऊ धुरली वाटर प्रोजेक्ट ले बुझावत हे गांव वाले मन के प्यास

दंतेवाड़ा,1 जून 2021। कलेक्टर दीपक सोनी के मार्गदर्शन म जिला के लोक स्वास्थ्य यांत्रिकी विभाग कोति ले निर्मित छिन्दनार, नेरली अऊ धुरली वाटर प्रोजेक्ट ले करीबन 34 गॉंव ले जादा गॉव मन म जल आपूर्ति करे जात हे। ये प्रोजेक्ट पाछू कई साल ले निर्माणाधीन रहिस जेन ल कलेक्टर श्री सोनी के पहल अऊ नेतृत्व म अब पूरा करे गए हे, अऊ हजारों गांव वाले मन के प्यास अब एकर से बुझावत हे।
छिंदनार ग्रामीण समूह जल प्रदाय योजना ले 1. छिंदनार 2. कासोली 3. हिरानार 4. घोटपाल 5. रोंजे 6. हारम 7. हाऊरनार 8. जावंगा शिक्षा परिसर 9. नगर पंचायत गीदम ग्राम लाभान्वित होवत हे। छ.ग. राज्य शासन ह 18 जून 2018 के प्रोजेक्ट ल स्वीकृति प्रदान करे रहिस जेकर स्वीकृति लागत रू. 2494.14 लाख हे।