मनेन्द्रगढ़, 24 दिसम्बर 2023। हर एक नागरिक के सपना होथे हे कि ओखर अपन एक पक्का मकान होवय, जेमां वो अपन परिवार के संग आराम से जीवन व्यतीत कर सकय। फेर आर्थिक स्थित खराब होए के सेती सबो के ये सपना सकार नइ हो पावय। गरीब, असहाय मन के सपना ल साकार करे बर शासन कोति ले ‘प्रधानमन्त्री आवास योजना‘ चलाए जात हे। जेखर माध्यम ले अइसन गरीब असहाय जिंकर तिर अपन पक्का मकान नइ हे अऊ निर्धनता के कारण अपन घर बनाए म उमन असमर्थ हें। ओ मन ल ये योजना के लाभ देके सरकार ह गरीब मन के सपना साकार करत हे। अब तक लाखों मनखे मन ल ये योजना के लाभ देहे जा चुके हे, अऊ देहे जात हे। ‘प्रधानमंत्री आवास योजना‘ गरीब मन बर वरदान साबित होवत हे।
जिला मनेंद्रगढ़-चिरमिरी-भरतपुर अन्तर्गत ग्राम उजियारपुर के निवासी श्रीमती छोटी बाई ह बताइस कि मोला प्रधानमन्त्री आवास के लाभ देहे गए हे, अऊ मकान बनाए के काम चलत हे। एखर पहिली हमर घर झोपड़ी के रहिस। पक्का घर बनाए के मोर सपना रहिस, फेर ये सपना कइसे पूरा होही, मैं नइ जानत रहेंव। मोला जब मनखे मन ह बताइन कि मोदी जी ह घर बनाए के योजना चलाए हे, तब मोला विश्वास नइ होवत रहिस। अब मैं अपन पक्का मकान म रइहौं, मोला ये सोचके एक सपना लगत हे। पहिली झोपड़ी के घर म सांप बिच्छू आ जात रहिस। बरसात म झोपड़ी म पानी चूहय अऊ जड़काला म अब्बड़ दिक्कत होत रहिस, पूरा रात आगी बार के मोर परिवार रहत रहिस। अब पक्का घर म हम अऊ हमार लइका खुशहाली से रइहीं। घर अउ घर बनवाए के पइसा मोला मिलत हे। हमर सपना साकार होवत हे। हम प्रधानमंत्री मोदी जी अउ राज्य के मुख्यमंत्री श्री साय जी के आभारी हन। जे मन गरीब मन ल ऊंखर सपना ल पूरा करे के अवसर दीन। अब ऊंखर कारण ही हम पक्का मकान म रहि सकबो।
मनेन्द्रगढ़ : छोटी बाई के बनत हे पक्का मकान, बारिश म अब नइ होवय दिक्कत
