दुर्ग, 23 मई 2024। मतगणना के तैयारी के जायजा लेहे आज दुर्ग पहुंचे मुख्य निर्वाचन पदाधिकारी श्रीमती रीना बाबासाहेब कंगाले ह निर्वाचन कर्तव्य के समे मृत महिलाकर्मी श्रीमती मधु बंजारे के दुनों बेटा मन ल अनुग्रह प्रतिकर राशि के कुल 15 लाख रूपिया के चेक प्रदान करिन। उमन दुर्ग के सर्किट हाउस म आज स्वर्गीय श्रीमती मधु बंजारे के बेटा नितिन कुमार बंजारे ल साढ़े सात लाख रुपए अऊ विपिन कुमार बंजारे ल साढ़े सात लाख रुपए के चेक प्रदान करिन।
जानबा हे कि लोकसभा आम निर्वाचन कर्तव्य के समय निर्वाचन कर्मी श्रीमती मधु बंजारे के 8 मई के कुम्हारी तीर वाहन दुर्घटना म मृत्यु हो गए रहिस। मुख्य निर्वाचन पदाधिकारी कार्यालय ह छत्तीसगढ़ राज्य अनुग्रह प्रतिकर भुगतान नियम 2009 के प्रावधान के तहत ऊंखर उत्तराधिकारी बेटा नितिन कुमार बंजारे अऊ विपिन कुमार बंजारे ल कुल अनुग्रह प्रतिकर राशि 15 लाख रूपिया के भुगतान के अनुशंसा करे गए रहिस। मुख्य निर्वाचन पदाधिकारी ह परिवार ल चेक सौंपे के समय दुर्ग के कलेक्टर अउ जिला निर्वाचन अधिकारी सुश्री ऋचा प्रकाश चौधरी, पुलिस अधीक्षक श्री जितेन्द्र शुक्ला अऊ उप जिला निर्वाचन अधिकारी श्री बी.के. दुबे उपस्थित रहिन।
