दिल्ली, 25 मई 2021। भारत के राष्ट्रपति ह भारत के संविधान के अनुच्छेद 223 म देहे गए शक्ति के उपयोग करत छत्तीसगढ़ उच्च न्यायालय के वरिष्ठतम न्यायाधीश न्यायमूर्ति श्री प्रशांत कुमार मिश्र ल, न्यायमूर्ति श्री पारापिलिल रामकृष्णन नायर रामचंद्र मेनन के सेवानिवृत्ति के बाद, 1 जून 2021 ले ओ मन उच्च न्यायालय के मुख्य न्यायाधीश के पद के कर्तव्य के निर्वहन करे बर नियुक्त करे गए हें। ये संबंध म विधि अऊ न्याय मंत्रालय के न्याय विभाग ह काली अधिसूचना जारी करे हे।
न्यायमूर्ति श्री प्रशांत कुमार मिश्र, बीएससी; एलएलबी 4 सितंबर,1984 के अधिवक्ता के रूप म नामांकित होइन अऊ उमन जिला न्यायालय, मध्य प्रदेश उच्च न्यायालय अऊ छत्तीसगढ़ उच्च न्यायालय म दीवानी, संवैधानिक, राजस्व अऊ आपराधिक मामला के वकालत करत रहे हें। उंखर विशेषज्ञता संवैधानिक अऊ दीवानी मामला म हे। उमन अकतहा महाधिवक्ता अऊ छत्तीसगढ़ राज्य के महाधिवक्ता के रूप म अपन सेवा तको देहे हें। ओ मन ल 10 दिसंबर, 2009 के छत्तीसगढ़ उच्च न्यायालय के अकतहा न्यायाधीश नियुक्त करे गए रहिस। उमन 28 नवंबर 2014 ले स्थाई न्यायाधीश नियुक्त होइन।
न्यायमूर्ति श्री प्रशांत कुमार मिश्र 1 जून ले होहीं छत्तीसगढ़ उच्च न्यायालय के मुख्य न्यायाधीश
