मुख्यमंत्री ल बधाई कि उमन प्रदेश ल एक नवा दिशा कोति लेके जात हें : चीफ जस्टिस श्री एन वी रमणा
रायपुर, छत्तीसगढ़ के राजधानी रायपुर म आज देश के सर्वोच्च न्यायालय के मुख्य न्यायाधिपति न्यायमूर्ति श्री एन वी रमणा हिदायतुल्ला नेशनल लॉ यूनिवर्सिटी,रायपुर के पांचवां दीक्षांत समारोह म मुख्य अतिथि के रुप म सामिल होए हें।
दीक्षांत समारोह म मुख्यमंत्री श्री भूपेश बघेल विशिष्ट अतिथि के रूप म उपस्थित हें। सर्वोच्च न्यायालय के न्यायाधिपति न्यायमूर्ति श्री एस अब्दुल नजीर ह समारोह के अध्यक्षता करत हें। ये बेरा म छत्तीसगढ़ उच्च न्यायालय के मुख्य न्यायाधिपति न्यायमूर्ति अऊ हिदायतुल्ला नेशनल लॉ यूनिवर्सिटी के कुलाधिपति श्री अरूप कुमार गोस्वामी घलव उपस्थित हें। कार्यक्रम म छत्तीसगढ़ के विधि मंत्री श्री मोहम्मद अकबर अउर शिक्षा मंत्री डॉ प्रेमसाय सिंह टेकाम घलोक उपस्थित हे।
कार्यक्रम म अपन संबोधन म देश के सर्वोच्च न्यायालय के मुख्य न्यायाधिपति न्यायमूर्ति श्री एन वी रमणा ह कहिन के मुख्यमंत्री श्री भूपेश बघेल के नेतृत्व म देश म एक रोल मॉडल के रूप म स्थापित होवत हे छत्तीसगढ़। उमन आगू मुख्यमंत्री ल बधाई देवत कहिन के उमन प्रदेश ल एक नवा दिशा कोति लेके जात हें।
