योजना के तहत आदिवासी परब अउ तिहार के बढ़िया ले बढ़िया आयोजन करे ब राज्य सरकार द्वारा ग्राम पंचायत मन ल दिए जाही अनुदान राशि
योजना ह प्रदेश के अनुसूचित क्षेत्र मन म होही लागू
हरेक ग्राम पंचायत ल एक बछर म दू घ दिए जाही 10 हजार रूपिया
मुख्यमंत्री बस्तर संभाग के 1840 ग्राम पंचायत मन ल देही 5-5 हजार रूपिया के अनुदान राशि
रायपुर, नेहा राठौर के खबर/ मुख्यमंत्री श्री भूपेश बघेल 13 अपरेल के बस्तर संभाग के मुख्यालय जगदलपुर म आयोजित ’भरोसे का सम्मेलन’ म ‘मुख्यमंत्री आदिवासी परब सम्मान निधि योजना’ का उदघाटन करही। ए योजना म आदिवासी परब अउ तिहार के बढ़िया ले बढ़िया आयोजन करे ब राज्य सरकार द्वारा ग्राम पंचायत मन ल दिए जाही अनुदान राशि। योजना के उदघाटन म मुख्यमंत्री बस्तर संभाग के 1840 ग्राम पंचायत मन ल देही 5-5 हजार रूपिया के अनुदान राशि
’मुख्यमंत्री आदिवासी परब सम्मान निधि योजना’ के अनतरगत अनुसूचित क्षेत्र के गांव मन न जनजाती मन के उत्सव, तिहार, मेला, मड़ई, जात्रा परब, सरना पूजा, देवगुड़ी, नवाखाई, छेरछेरा, अक्ती, हरेली आदि उत्सव, तिहार अउ संस्कृति ल संरक्षित करे के उद्देश्य ले हरेक ग्राम पंचायत ल हर साल 10,000 रूपिया के अनुदान राशि ल दू किस्ती म दिही।
मुख्यमंत्री श्री बघेल ह 26 जनवरी के गणतंत्र दिवस के अवसर म आदिवासी समाज के संस्कृति अउ परब के परमपरा ल संजोए अउ संरक्षण करे न ’मुख्यमंत्री आदिवासी परब सम्मान निधि योजना’ के घोषणा करे रहिस हे। वित्तीय बरस 2023-24 के बजट म ए योजना ब 5 करोड़ रूपिया के प्रावधान करे गए हे। ए योजना ब नोडल एजेंसी मुख्य कार्यपालन अधिकारी, जनपद पंचायत ह रही।
योजना के काम काज ल बढ़िया तरिका ले चलाय ब गांव के स्तर म शासी निकाय अउ अनुभाग के स्तर म शासी निकाय के गठन करे जाही। निकाय के स्वरूप ह अइसे रही-
गांव स्तर शासी निकाय म संबंधित ग्राम पंचायत के सरपंच अध्यक्ष रही। गायता, पुजारी, सिरहा, गुनिया, बैगा मन ह सदस्य रही। ग्राम स्तरीय शासी निकाय म गांव के दू झन सियान , दू झन महिला, गांव कोटवार, पटेल अउ पंचायत के सचिव मन ह सदस्य रही।
जनपद स्तरीय शासी निकाय म अनुविभागीय अधिकारी, राजस्व अध्यक्ष रही अउ मुख्य कार्यपालन अधिकारी, जनपद पंचायत एकर सदस्य सचिव रही। जनपद स्तरीय शासी निकाय म जनपद पंचायत के अध्यक्ष, विकासखण्ड शिक्षा अधिकारी, तहसीलदार मन हसदस्य रही। गांव म कोन कोन तिहार म ए पईसा के उपयोग करना हे एकर फइसला गांव स्तरीय समिति मन के द्वारा करे जाही। जनपद स्तर म ए योजना के काम काज ल देखे के जिमेदारी जनपद स्तरीय शासी निकाय के उपर रही।