मुख्यमंत्री ह के किसान मन ले अफवाह मन उपर ध्यान झन दे के अपील
रायपुर, मुख्यमंत्री श्री भूपेश बघेल ह प्रदेश के किसान मन ल आश्वस्त करे हें कि राज्य सरकार हर हाल म किसान मन ले प्रति एकड़ 15 क्विंटल के मान ले धान के खरीदी करही, एखर बर चाहे धान खरीदी के समय बढ़ना परय या धान खरीदी के किश्त के संख्या। मान लव तीन फेरी म या पांच फेरी म जमा करना हे, त कहूं जरूरत परत हे त एखर संख्या बढ़ाए जाही। मुख्यमंत्री आज बिहनिया इहां पुलिस लाइन मैदान म बालोद अऊ बलौदाबाजार जिला के दौरा म रवाना होए के पहिली मीडिया प्रतिनिधि मन ले चर्चा करत रहिन।
मुख्यमंत्री ह किसान मन ले धान खरीदी के संबंध फैलाए जात अफवाह मन उपर ध्यान झन देहे के अपील करत कहिन कि अपवाह ओ मन फैलावत हें, जऊन धान खरीदी म दलाली करथें अऊ दूसर प्रदेश के धान छत्तीसगढ़ म खपावत हें। धान के तौलाई अऊ ट्रांसपोर्टिंग म गड़बड़ी करत हें। मुख्यमंत्री ह कहिन कि राज्य सरकार ह धान खरीदी के सुचारू अऊ सुव्यवस्थित व्यवस्था सुनिश्चित करे बर बहुत अकन कदम उठाए हे। कहूं कोनो अधिकारी या कर्मचारी किसान मन ल नाहक परेशान करहीं, त ऊंखर विरुद्ध सख्त कार्रवाई करे जाही।
मुख्यमंत्री ह किसान मन ले धान खरीदी के संबंध फैलाए जात अफवाह मन उपर ध्यान झन देहे के अपील करत कहिन कि अपवाह ओ मन फैलावत हें, जऊन धान खरीदी म दलाली करथें अऊ दूसर प्रदेश के धान छत्तीसगढ़ म खपावत हें। धान के तौलाई अऊ ट्रांसपोर्टिंग म गड़बड़ी करत हें। मुख्यमंत्री ह कहिन कि राज्य सरकार ह धान खरीदी के सुचारू अऊ सुव्यवस्थित व्यवस्था सुनिश्चित करे बर बहुत अकन कदम उठाए हे। कहूं कोनो अधिकारी या कर्मचारी किसान मन ल नाहक परेशान करहीं, त ऊंखर विरुद्ध सख्त कार्रवाई करे जाही।
श्री बघेल ह कहिन कि छत्तीसगढ़ के सरकार किसान मन के सरकार ये। किसान मन के हित सर्वोपरि हे। किसान मन के राज्य सरकार म पूरा भरोसा हे। मैं आश्वस्त करत हंव के किसान मन के हित मन के पूरा ध्यान रखे जाही।
