गौठान मन म होही डीएमएफ मद के उपयोग: मुख्यमंत्री श्री भूपेश बघेल ह के घोषणा

अनुपयोगी खदान मन म जमा पानी के सिंचाई बर करे जाए उपयोग
डायमंड, गोल्ड, सिल्वर, कॉपर जइसन बहुमूल्य खनिज मन के नवा क्षेत्र मन के खोज म तकनीकी विशेषज्ञता प्राप्त कम्पनी मन के लेहे जाही सहयोग
साल 2020-21 म राज्य ल मिलीस 5517 करोड़ रूपिया के खनिज राजस्व: साल 2021-22 म 7800 करोड़ रूपिया के लक्ष्य
डीएमएफ पोर्टल ले काम मन के स्वीकृति, राशि के वितरण अऊ भुगतान के मामला म छत्तीसगढ़ देश म पहिली स्थान म
डीएमएफ काम मन के स्वीकृति अऊ ये मद म व्यय करइया राज्य मन म छत्तीसगढ़ के देश म दूसर स्थान
रायपुर, 28 जून 2021। मुख्यमंत्री श्री भूपेश बघेल ह कहिन कि सुराजी गांव योजना के तहत गांव मन म स्थापित होए गौठान मन के व्यवस्था ल चाक-चौबंद करे म डीएमएफ फंड के राशि के उपयोग करे जाए। चारागाह के विकास, गौठान मन म मल्टी एक्टिविटी सेंटर बर शेड निर्माण संग बस्तर अंचल म देवगुड़ी अऊ घोटुल निर्माण के काम घलोक ये मद ले करे जाए। उमन कहिन कि गौठान मन ल रूरल इंडस्ट्रीयल पार्क के रूप म विकसित करे के योजना हे। इहां शेड बने ले स्व-सहायता समूह मन ल आर्थिक गतिविधि मन के संचालन म आसानी होही। श्री बघेल ह कहिन कि ग्रामीण अंचल के अंदरूनी क्षेत्र मन म स्वास्थ्य सेवा पहुंचाए म मुख्यमंत्री हाट बाजार क्लिनिक योजना काफी प्रभावी सिद्ध होवत हे। ये योजना बर वाहन के व्यवस्था करे म घलोक ये मद के उपयोग करे जाए। बैठक म ये घलोक निर्णय ले गीस कि मुख्यमंत्री श्री बघेल कोति ले हाल ही म जिला मन म करे गए कई ठन घोषणा मन के अमल बर डीएमएफ के राशि के उपयोग करे जाए।