रायपुर, 26 दिसम्बर 2020। मुख्यमंत्री भूपेश बघेल ह आज वरिष्ठ विधायकगण श्री खेलसाय सिंह अऊ श्री रामपुकार सिंह के राजधानी रायपुर स्थित निवास पहुंच के उंखर ले सौजन्य मुलाकात करिन अऊ उंखर कुशलक्षेम पूछिन। श्री बघेल पहली वरिष्ठ विधायक अऊ सरगुजा क्षेत्र आदिवासी विकास प्राधिकरण के अध्यक्ष श्री खेलसाय सिंह के आनन्द नगर स्थित निवास पहुंचिन।
ओमन श्री खेलसाय सिंह ले मिल के उंखर स्वास्थ्य के जानकारी लीन अऊ ओला शीघ्र स्वास्थ्य लाभ बर शुभकामना दींन। ये अवसर म स्कूल शिक्षा मंत्री डॉ. प्रेमसाय सिंह टेकाम घलो उपस्थित रहिन। एखर बाद मुख्यमंत्री श्री बघेल वरिष्ठ विधायक श्री रामपुकार सिंह के विधायक कॉलोनी स्थित निवास पहुंचिन, जिहां ओमन श्री सिंह ले मुलाकात करिन अऊ उंखर स्वास्थ्य के हालचाल पूछिन अऊ ओला शीघ्र स्वास्थ्य लाभ बर शुभकामना दींन। ये दौरान मुख्यमंत्री के सलाहकार द्वय श्री रुचिर गर्ग अऊ श्री विनोद वर्मा घलो उपस्थित रहिन।