छत्तीसगढ़ी फिल्म ‘भूलन द मेज’ ल राष्ट्रीय फिल्म पुरस्कार मिले म मुख्यमंत्री भूपेश बघेल ह दीन बधाई

रायपुर, 23 मार्च 2021। मुख्यमंत्री भूपेश बघेल ह छत्तीसगढ़ी फिल्मकार मनोज वर्मा द्वारा निर्मित अऊ निर्देशित छत्तीसगढ़ी फिल्म ‘भूलन द मेज’ ल क्षेत्रीय फिल्म केटेगरी म बेस्ट फिल्म के राष्ट्रीय फिल्म पुरस्कार मिले म ओमन ल अऊ फिल्म निर्माण लेे जुड़े जम्मों टीम ल हार्दिक बधाई अऊ शुभकामना दीन हे। ओमन लेखक संजीव बख्शी ल घलो बधाई दीन हे, जेखर उपन्यास ‘भूलन-कांदा’ म ये फिल्म आधारित हे। बघेल ह कहिन हे कि ये छत्तीसगढ़ बर एक अऊ गौरवपूर्ण उपलब्धि हे। ये उपलब्धि ले छत्तीसगढ़ी साहित्य, कला अऊ फिल्म निर्माण ले जुड़े प्रतिभा मन ल राष्ट्रीय स्तर म नवा पहचान मिले हे।