मुख्यमंत्री भूपेश बघेल ह लोक पारम्पारिक नृत्य अऊ गीत मन के लिन आंनद, मांदर के ताल म जमके थिरकिन जनप्रतिनिधि

रायपुर, 5 दिसम्बर 2020। मुख्यमंत्री श्री भूपेश बघेल ह जशपुर के बालाछापर स्थित सरना एथनिक रिसोर्ट म लोक पारम्पारिक नृत्य अऊ गीत मन के आंनद लिन। पर्यटन विभाग द्वारा निर्मित ए रिसोर्ट म शुक्रवार के लोक पारंपरिक करमा नृत्य, नागपुरी गीत सहित अन्य मनमोहक कार्यक्रम मन के आयोजन करे गए रिहिस। नागपुरी गीत सुन के विधायक जशपुर श्री विनय भगत अऊ अन्य स्थानीय जनप्रतिनिधि खुद ल मांदर के थाप म थिरके ले रोक नई पाइस। ओमन देर तक कलाकार मन के संग मंच म कदम ले कदम मिलाके थिरकिन। ए दौरान खाद्य अऊ नागरिक आपूर्ति तथा जिला के प्रभारी मंत्री श्री अमरजीत भगत, उच्च शिक्षा मंत्री श्री उमेश पटेल, लैलूंगा विधायक श्री चक्रधर सिंह सिदार, धरमजयगढ़ विधायक श्री लालजीत सिंह राठिया, रायगढ़ विधायक श्री प्रकाश नायक, जशपुर विधायक श्री विनय भगत, सारंगढ़ विधायक श्रीमती उत्तरी जागड़े, कमिश्नर सुश्री जे. किंडो, पुलिस महानिरीक्षक श्री रतन लाल डांगी, कलेक्टर श्री महादेव कावरे, पुलिस अधीक्षक श्री बालाजी राव सहित अन्य अधिकारी अऊ जनप्रतिनिधि मौजूद रिहिन।