रायपुर, 23 नवंबर 2020। मुख्यमंत्री भूपेश बघेल रविवार के केन्द्रीय स्वास्थ्य मंत्री डाॅ. हर्षवर्धन ले दूरभाष म छत्तीसगढ़ राज्य म कोविड-19 के स्थिति अउ वैक्सीन ल लेके चर्चा करिन।
मुख्यमंत्री श्री बघेल ह केन्द्रीय स्वास्थ्य मंत्री ल प्रदेश म कोविड-19 के वर्तमान स्थिति, इहां मरीज मन के उपचार अउ आवश्यक स्वास्थ्य व्यवस्था आदि के संबंध म जानकारी दीन। ओमन बताइन कि कोरोना वैक्सीन के संबंध म प्रदेश के स्वास्थ्य मंत्री के नेतृत्व म स्वास्थ्य विभाग द्वारा एखर पूरा तैयारी कर लेहे गए हे। केन्द्रीय मंत्री डाॅ. हर्षवर्धन ह मुख्यमंत्री श्री बघेल ल आश्वस्त करिन हे कि छत्तीसगढ़ के हित के पूरा ध्यान रखे जाही।