रायपुर, 25 जनवरी 2021। 72वां गणतंत्र दिवस के अवसर म मुख्यमंत्री श्री भूपेश बघेल बस्तर जिला मुख्यालय जगदलपुर म ध्वजारोहण करही। विधानसभा अध्यक्ष डॉ. चरणदास महंत जांजगीर-चांपा म ध्वजारोहण करके परेड के सलामी लेही।
राज्य शासन के सामान्य प्रशासन विभाग द्वारा प्रदेश के जिला मुख्यालय म ध्वजारोहण करइया मुख्य अतिथि मन के सूची जारी कर देहे गए हे। 26 जनवरी गणतंत्र दिवस समारोह म ये पइत ध्वजारोहण बर मंत्रीगण मन के संगे-संग संसदीय सचिव मन ल मुख्य अतिथि बनाये गए हे। गृह अउ लोक निर्माण मंत्री श्री ताम्रध्वज साहू महासमुंद म, पंचायत अउ ग्रामीण विकास मंत्री श्री टी.एस. सिंहदेव बलौदाबाजार-भाटापारा म, कृषि अउ जल संसाधन मंत्री श्री रविन्द्र चैबे दुर्ग म, स्कूल शिक्षा मंत्री डॉ. प्रेमसाय सिंह टेकाम कोरबा म, वन मंत्री श्री मोहम्मद अकबर राजनांदगांव म, उद्योग मंत्री श्री कवासी लखमा कांकेर म, नगरीय प्रशासन मंत्री डॉ. शिवकुमार डहरिया सरगुजा म, महिला अउ बाल विकास मंत्री श्रीमती अनिला भेंड़िया रायगढ़ म, लोक स्वास्थ्य यांत्रिकी अउ ग्रामोद्योग मंत्री गुरू रूद्रकुमार नारायणपुर म, राजस्व मंत्री श्री जयसिंह अग्रवाल गौरेला-पेण्ड्रा-मरवाही म, उच्च शिक्षा मंत्री श्री उमेश पटेल बिलासपुर म, खाद्य, नागरिक आपूर्ति अउ उपभोक्ता संरक्षण मंत्री श्री अमरजीत भगत बालोद म ध्वजारोहण करके परेड के सलामी लेही।
संसदीय सचिव श्री यू.डी. मिंज बलरामपुर म, श्री विकास उपाध्याय बेमेतरा म, श्री रेखचंद जैन बीजापुर म, श्री इंद्र शाह मंडावी दंतेवाड़ा म, श्री चन्द्रदेव प्रसाद राय धमतरी म, श्री विनोद सेवन लाल चन्द्राकर गरियाबंद म, श्री चिंतामणि महाराज जशपुर म, श्री द्वारिकाधीश यादव कबीरधाम म, श्री कुंवर सिंह निषाद कोण्डागांव म, श्री गुरूदयाल सिंह बंजारे कोरिया म, सुश्री शकुंतला साहू मुंगेली म, श्री शिशुपाल सोरी सुकमा म अउ डॉ. श्रीमती रश्मि आशीष सिंह सूरजपुर जिला मुख्यालय म आयोजित गणतंत्र दिवस मुख्य समारोह म ध्वजारोहण करके परेड के सलामी लेही।