रायपुर, 25 जनवरी 2021। मुख्यमंत्री श्री भूपेश बघेल ह आज बस्तर जिला के बड़े किलेपाल म आयोजित कार्यक्रम म 150 करोड़ 46 लाख के 50 कार्य के लोकार्पण अऊ शिलान्यास करिन। एमा ले लगभग 38 करोड़ 52 लाख रुपिया के 09 विकास कार्य के लोकार्पण अऊ लगभग 111 करोड़ 93 लाख रुपिया के 41 विकास कार्य के भूमि पूजन करे गीस।
ये अवसर म लोकसभा सांसद श्री दीपक बैज, बस्तर विकास प्राधिकरण के अध्यक्ष श्री लखेश्वर बघेल बस्तर विकास प्राधिकरण के उपाध्यक्ष श्री विक्रम शाह मंडावी, संसदीय सचिव श्री रेखचन्द जैन, राज्य हस्त शिल्प बोर्ड के अध्यक्ष श्री चंदन कश्यप, विधायक श्री राजमन बेंजाम सहित अनेक जनप्रतिनिधि उपस्थित रहिन।
