रायपुर पश्चिम विधानसभा क्षेत्र के 60 हजार घर मन म होही मास्क वितरण
रायपुर, 09 मई 2020। मुख्यमंत्री श्री भूपेश बघेल ह काली अपन निवास कार्यालय म रायपुर पश्चिम विधानसभा क्षेत्र के 60 हजार घर मन म मास्क वितरण के शुभारंभ करिन। उमन विधायक श्री विकास उपाध्याय के ये मानवीय पहल के सराहना करत कहिन के वैश्विक आपदा कोविड-19 ल पराजित करे बर हम सबो ल बचाव अउ नियंत्रण के हर मोरचा म सजगता अऊ सक्रियता बरते के जरूरत हे। ये बेरा म बिलाईगढ़ विधायक श्री चन्द्रदेव राय घलोक उपस्थित रहिन।
जानबा हे के छत्तीसगढ़ सरकार ह पहिलीच प्रदेश म मास्क पहनना अनिवार्य कर देहे हे। मास्क कोरोना ले बचाव के प्राथमिक कवच हे, जेखर उपयोग ले संक्रमण के संभावना ल बनेच कम करे जा सकत हे। विधायक श्री विकास उपाध्याय ह बताइस के खादी ले बने ये मास्क जादा गुणवत्तापूर्ण हे। ये फेर उपयोग करे लायक अऊ टिकाऊ घलोक हे। रायपुर पश्चिम विधानसभा के साठ हजार घर मन म एकर निःशुल्क वितरण करे जाही। वितरण के समय फिजिकल डिस्टेंसिंग के पूरा पालन करे जाही अऊ मनखे मन ल कोरोना संक्रमण ले बचाव के आन उपाय मन के प्रति जागरूक घलोक करे जाही।