मुख्यमंत्री श्री भूपेश बघेल ह गढ़िया महोत्सव के करिन शुभारंभ

• महु सुपोषित, मोर कांकेर सुपोषित विसय म बनाए गीस रंगोली अऊ सेल्फी जोन बनिस मनखे मन के आकर्षण के केन्द्र
• 14.47 करोड़ रूपिया के विकास काम मन के लोकार्पण अऊ भूमिपूजन

रायपुर, मुख्यमंत्री श्री भूपेश बघेल ह आज कांकेर म गढ़िया महोत्सव के शुभारंभ करिन। ये बेरा म उमन इहां 14 करोड़ 47 लाख रूपिया के कई ठन विकास काम मन के भूमिपूजन अऊ लोकार्पण करिन। एमां 13 करोड़ 26 लाख रूपिया के 83 काम मन के भूमिपूजन अऊ एक करोड़ 21 लाख रूपिया के एक लोकार्पण काम सामिल हे।

कांकेर गढ़िया महोत्सव के शुभारंभ समारोह ल संबोधित करत मुख्यमंत्री श्री भूपेश बघेल ह कहिन कि देशभर म मंदी के दौर चलत हे, फेर छत्तीसगढ़ म मंदी के कोनो प्रभाव नइ हे। एकर असल कारन राज्य शासन कोति ले किसान मन के कर्ज माफ, 25 सौ रूपिया प्रति कुंटल समर्थन मूल्य म धान खरीदी, तेंदूपत्ता के पारिश्रमिक दर बढ़ाना, सिंचाई कर माफ करना अऊ बिजली बिल म छूट मिले ले किसान मन के आर्थिक स्थिति मजबूत हो गए हे। उमन कहिन कि सरकार के योजना मन ले मनखे मन के खेती किसानी के प्रति रूझान बाढ़े हे। कांकेर जिला म सहकारी केन्द्रीय बैंक के माध्यम ले 33 हजार 901 किसान मन के 103 करोड़ 34 लाख रूपिया अऊ कालातीत 22 हजार 781 किसान मन के 80 करोड़ 65 लाख रूपिया, ये प्रकार जिला म कुल 56 हजार 682 किसान मन के 184 करोड़ रूपिया के ऋण माफ करे गए हे। जिला म 43 हजार 779 किसान मन ल 135 करोड़ 53 लाख रूपिया के कृषि ऋण वितरण करे गए हे, जऊन पाछू साल के तुलना म 10 हजार 757 किसान जादा हे। नरवा, गरूवा, घुरूवा अऊ बाड़ी योजना म जिला म 83 गौठानों के निर्माण करे गए हे। जलसंरक्षण बर सबो विकासखण्ड मन म नरवा के कार्ययोजना तियार कर ले गए हे, जेमां वर्षा ऋतु के बाद काम चालू करे जाही। कुपोषण ले मुक्ति बर सुपोषण अभियान चलाय जावत हे, जेमां कुपोषित लइका मन अऊ एनीमिया ले पीड़ित महिला मन ल पौष्टिक गर्म भोजन प्रदाय करे जावत हे। हाट-बाजार मन म स्वास्थ्य शिविर लगाकर मरीज मन के उपचार करे जावत हे, अब तक 23 हजार ले जादा मरीज मन एखर से लाभान्वित होए हें। कांकेर जिला म अब तक 23 हजार 969 हितग्राही मन ल व्यक्तिगत वन अधिकार मान्यता पत्र देहे गए हे, जेखर क्षेत्रफल 71 हजार 256 एकड़ हे। अइसनहे एक हजार 161 सामुदायिक वन अधिकार मान्यता पत्र अऊ 20 गांव मन म 45 हजार 623 एकड़ वन जमीन के सामुदायिक वन संसाधन के हक दे गीस हे। जाति प्रमाण पत्र जारी करे के व्यवस्था ल सरलीकृत करत शिशु के जन्म होतेच स्थायी जाति प्रमाण पत्र देहे के व्यवस्था करे गए हे। कांकेर जिला म अब तक 217 शिशु मन ल स्थायी जाति प्रमाण पत्र देहे गए हे।

कार्यक्रम स्थल म मुख्यमंत्री सुपोषित अभियान के जागरूकता अभियान के तहत ‘महु सुपोषित, मोर कांकेर सुपोषित’ विसय म बनाय रंगोली मनखे मन के आकर्षण के केन्द्र रहिस। ये रंगोली ल चारो कोति पौष्टिक फल, साग भाजी अऊ अनाज अऊ अण्डा ले आकर्षक ढंग ले सजाए गए रहिस। कार्यक्रम स्थल म ही ‘महु सुपोषित, मोर कांकेर सुपोषित’ म केन्द्रित एक सेल्फी जोन घलोक बनाए गए रहिस। मुख्यमंत्री श्री भूपेश बघेल, गृह मंत्री श्री ताम्रध्वज साहू अऊ स्कूल शिक्षा मंत्री डॉ. प्रेमसाय सिंह टेकाम ह घलोक इहां सेल्फी लीन।

मुख्यमंत्री ह कार्यक्रम स्थल म ही तीन शिशु मन ल स्थायी जाति प्रमाण पत्र प्रदान करिन। मुख्यमंत्री श्री भूपेश बघेल ह कहिन कि बीते अगस्त महिना म कांकेर प्रवास के समय ऊंखर कोति ले जऊन घोषणा करे गए रहिस, वोला स्वीकृत करे जा चुके हे। जिला मुख्यालय म मल्टी यूटीलिटी सेंटर के निर्माण 04 करोड़ रूपिया के लागत ले करे जात हे। अइसनहे चार करोड़ 38 लाख रूपिया ले इंडोर स्टेडियम बनाय जात हे संगेच 100 सीटर पोस्ट मैट्रिक आन पिछड़ा वर्ग कन्या छात्रावास भवन निर्माण के स्वीकृति दीए गए हे।

गढ़िया महोत्सव के शुभारंभ अवसर म मुख्यमंत्री श्री बघेल कोति ले ढाई करोड़ रूपिया के लागत के महात्मा गांधी गढ़िया पहाड़ जैव विविधता पार्क अऊ पुरातात्विक संरचना मन के विकास अऊ संरक्षण अऊ 2.88 करोड़ रूपिया के लागत ले बनइया 100 सीटर पोस्ट मैट्रिक आन पिछड़ा वर्ग कन्या छात्रावास भवन निर्माण, 75 लाख रूपिया ले दबेना म बनइया हाई स्कूल भवन संग जिला के कई ठन ग्राम पंचायत म 6 करोड़ 08 लाख रूपिया ले बनइया 76 पुल-पुलिया अऊ एक करोड़ चार लाख रूपिया के 04 नहर मन के जीर्णोद्धार काम के भूमिपूजन करे गीस। एखर संगेच चारामा विकासखण्ड के ग्राम जेपरा म 01 करोड़ 21 लाखरूपये ले निर्मित उच्चतर माध्यमिक विद्यालय भवन के लोकार्पण घलोक करे गीस। मुख्यमंत्री ह 18 हितग्राही मन ल 7 लाख 19 हजार रूपिया के कई ठन चीज मन के वितरण करिन।

कार्यक्रम के अध्यक्षता करत कांकेर विधानसभा क्षेत्र के विधायक श्री शिशुपाल शोरी ह कहिन कि कांकेर गढ़िया महोत्सव के आयोजन ले प्राचीन संस्कृति अऊ परंपरा मन के संरक्षण होवत हे। मुख्यमंत्री श्री भूपेश बघेल ह गढ़िया पहाड़ ल पर्यटन केन्द्र के रूप म विकसित करे के उदेश्य ले 2 करोड़ रूपिया के स्वीकृति प्रदान करिन। ऊंखर कोति ले कांकेर म पोस्ट मैट्रिक आन पिछड़ा वर्ग कन्या छात्रावास भवन निर्माण के घलोक घोषणा करे गीस, जऊन स्वीकृत हो चुके हे। मुख्यमंत्री कोति ले कांकेर जिला बर विकास काम मन के स्वीकृति प्रदान करे म विधायक श्री शोरी कोति ले मुख्यमंत्री श्री बघेल के प्रति आभार व्यक्त करे गीस। कार्यक्रम म गृह मंत्री श्री ताम्रध्वज साहू, शिक्षा मंत्री डॉ. प्रेमसाय सिंह टेकाम, विधायक श्री अनूप नाग, मुख्यमंत्री के संसदीय सलाहकार श्री राजेश तिवारी, पूर्व विधायक श्री शंकर धु्रवा, जिला पंचायत अध्यक्ष श्रीमती सुभद्रा सलाम, कांकेर नगर पालिका परिषद के अध्यक्ष श्री जितेन्द्र सिंह ठाकुर संग जनप्रतिनिधिगण अऊ बड़ संख्या म नागरिकगण उपस्थित रहिन।