नारायणपुर, 9 जनवरी 2021। मुख्यमंत्री भूपेश बघेल ह आज नारायणपुर के केरलापाल गौठान के निरीक्षण करिन। ए अवसर म लोक स्वास्थ्य यांत्रिकी मंत्री अउ जिला के प्रभारी मंत्री गुरू रूद्र कुमार, उद्योग मंत्री कवासी लखमा, लोकसभा सांसद दीपक बैज, छत्तीसगढ़ हस्तशिल्प विकास बोर्ड के अध्यक्ष अउ विधायक चंदन कश्यप सहित अनेक जनप्रतिनिधि उपस्थित रहिन। मुख्यमंत्री के गौठान पहुंचे म ग्रामीण मन ह खुमरी पहिनाके उंखर स्वागत करिन। बघेल ह गौठान म महिला समूह मन द्वारा वर्मी कम्पोस्ट उत्पादन अउ समूह मन द्वारा करे जावत आयमूलक कार्य मन के जानकारी लीन अउ महिला मन द्वारा तैयार करे गए उत्पाद मन के जानकारी लीन।
