रायपुर, 13 फरवरी 2020। प्रवासी भारतीय मन ह मुख्यमंत्री भूपेश बघेल के अमेरिका दौरा के खुले दिल अऊ गर्मजोशी ले स्वागत करे हें। अमेरिकी भारतीय मन ह एला छत्तीसगढ़ ल एक विकसित अऊ समृद्ध राज्य के रूप म बदले के अभियान कहिन अऊ उम्मीद जताइन कि प्रवासी भारतीय छत्तीसगढ़ के बेहतरी बर योगदान देहीं।
राष्ट्रीय ज्ञान आयोग के पहिली अध्यक्ष अऊ पूर्व प्रधानमंत्री स्वर्गीय श्री राजीव गांधी के तकनीकी मिशन के सलाहकार रहिन जउन वो श्री सैम पित्रोदा ह मुख्यमंत्री श्री बघेल के अमेरिका प्रवास के स्वागत करत ट्विटर म कहे हें कि मैं इंडियन ओवरसीज कांग्रेस के तरफ ले छत्तीसगढ़ के मुख्यमंत्री श्री भूपेश बघेल के अमेरिका म स्वागत करत हंव। हमला खुशी हे कि उमन अपन व्यस्तता के बावजूद समय निकालिन अऊ ओ मन सन फ्रांसिस्को, बोस्टन अऊ न्यूयॉर्क के दौरा म जात हें। उनला मोर शुभकामना। प्रवासी भारतीय मन तीर छत्तीसगढ़ ल देहे बर अड़बड़ अकन जिनिस हे।
टेक महिंद्रा कंपनी के संयुक्त राज्य अमेरिका म प्रमुख श्री हर्षुल असनानी ह सेन फ्रांसिस्को म बीते रात जेवन म मुख्यमंत्री ले होए मुलाकात ल एक बढि़या मुलाकात बतात कहिन हें कि मुख्यमंत्री श्री भूपेश बघेल छत्तीसगढ़ ल एक विकसित अऊ समृद्ध राज्य के रूप म बदले के अभियान म निकले हें।
आप जानतेच हव के मुख्यमंत्री श्री बघेल 15 अऊ 16 फरवरी के हार्वड यूनिवर्सिटी म आयोजित इंडिया कान्फ्रेंस म भाग लेंहीं जिहां ओ मन 15 फरवरी के प्रजातांत्रिक भारत म जाति अऊ राजनैतिक विसय म अपन विचार रखहीं।