रायपुर, 30 सितंबर 2020। मुख्यमंत्री श्री भूपेश बघेल 2 अकटूबर के दिन मंत्रालय महानदी परिसर म महात्मा गांधी के प्रतिमा के वीडियो कान्फ्रेसिंग के संग अनावरण करहीं। संस्कृति मंत्री श्री अमरजीत भगत ह आज मंत्रालय महानदी भवन परिसर म प्रतिमा स्थल के अवलोकन करिन अऊ अधिकारी मन ल जरूरी निर्देश दीन। श्री भगत ह मंत्रालय म आज आयोजित विभागीय समीक्षा बैठक म अधिकारी मन ल छत्तीसगढ़ विधानसभा के तर्ज म मंत्रालय महानदी भवन परिसर म महात्मा गांधी के प्रतिमा लगाय के तैयारी पूरा करे के निर्देश दीन। श्री भगत ह कहिन के प्रतिमा के अनावरण 2 अकटूबर के गांधी जयंती के अवसर म होना निश्चित करे गए हे। बैठक म संस्कृति विभाग के सचिव श्री अन्बलगन पी., संचालक श्री अमृत विकास तोपनो संग आन अधिकारी मौजूद रहिन।
मुख्यमंत्री श्री भूपेश बघेल 2 अकटूबर के दिन करहीं मंत्रालय परिसर म गांधी प्रतिमा के अनावरण
