रायपुर, 5 सितंबर 2020। मुख्यमंत्री भूपेश बघेल ह 5 सितम्बर के शिक्षक दिवस के अवसर म सबो शिक्षक मन ल अउ प्रदेशवासी मन ल हार्दिक बधाई अउ शुभकामना देहे हे। मुख्यमंत्री ह शुक्रवार के जारी अपन बधाई संदेश म पूर्व राष्ट्रपति डॉ. सर्वपल्ली राधाकृष्णन के स्मरण करत हुए कहिन कि डॉ. राधाकृष्णन ह उच्च नैतिक मूल्य मन ल अपन जीवन म उतारिन अउ अपन छात्र मन ल घलो प्रेरित करिन।
वो कठिन विषय ल घलो अपन शैली ले सरल, रोचक अउ प्रिय बना देवत रिहिस। भारतरत्न डॉ.राधाकृष्णन एक विद्वान, चिंतक अउ प्राध्यापक रहे हे, उंखर जन्मदिन शिक्षक दिवस के रूप म मना के हमन गौरवान्वित महसूस करत हन।
मुख्यमंत्री ह कहिन कि देश अउ समाज बर अच्छा नागरिक तैयार करे म शिक्षक महत्वपूर्ण भूमिका निभाथे। अपन गुण मन ले वो समाज म सकारात्मक परिवर्तन लाये के क्षमता रखथे।
