रायपुर, 12 अगस्त 2020। मुख्यमंत्री श्री भूपेश बघेल ह प्रदेशवासी मन ल जन्माष्टमी पर्व के बधाई अउ शुभकामना देहे हे। ये अवसर म ओमन प्रदेशवासी मन के सुख, समृद्धि अउ खुशहाली के कामना करे हे। ओमन अपन बधाई संदेश म कहे हे कि भगवान श्रीकृष्ण के लीला मन ह हमन ल विभिन्न परिस्थिति म जीवन जीये के सीख देथे। उंखर उपदेश जीवन के हर परिस्थिति बर प्रासंगिक हे अउ दुविधा के स्थिति म सही निर्णय के राह दिखाथे। श्रीकृष्ण ह फल के चिन्ता ना करत हुए हमन ल कर्म करे के शिक्षा देहे हे। उंखर शिक्षा मन ह सदा सत्य के मार्ग म चले अउ अन्याय के विरूद्ध खड़ा होय बर प्रेरित करथे।
मुख्यमंत्री भूपेश बघेल ह प्रदेशवासी मन ल जन्माष्टमी के बधाई दिस
