6 हजार 200 ले जादा श्रमिक परिवार मन ल 11 करोड़ 41 लाख रूपिया के सहायता राशि के चेक देहे गीस
रायपुर, 09 अगस्त 2024। मुख्यमंत्री निवास म आयोजित जनदर्शन म आज हजारों के तादाद म प्रदेशभर ले मनखे अपन फरियाद लेके मुख्यमंत्री श्री विष्णु देव साय ले मिले पहुंचे रहिन। रिमझिम फुहार के बीच मनखे पूरा उम्मीद अऊ उत्साह के संग मुख्यमंत्री श्री साय ले मिलत रहिन। इही बेरा म मुख्यमंत्री श्री साय ह छत्तीसगढ़ भवन अउ आन सन्निर्माण कर्मकार कल्याण मण्डल के तहत 12 हितग्राही मन ल प्रतीकात्मक रूप ले सहायता राशि के चेक सौंपिन। जानबा हे के आज के मुख्यमंत्री जनदर्शन कार्यक्रम के समय श्रम विभाग कोति ले 6 हजार 205 हितग्राही मन ल कई ठन योजना मन के तहत कुल 11 करोड़ 41 लाख 25 हजार 500 रूपिया के सहायता राशि के चेक प्रदाय करे गए हे। ये मां मुख्यमंत्री नोनी सशक्तिकरण सहायता योजना के तहत दू हजार 606 हितग्राही मन ल 05 करोड़ 21 लाख 20 हजार रूपिया, मिनीमाता महतारी जतन योजना के तहत दू हजार 593 हितग्राही मन ल 05 करोड़ 18 लाख 60 हजार रूपिया अउ मुख्यमंत्री नौनिहाल छात्रवृत्ति योजना के तहत 827 हितग्राही मन ल 15 लाख 66 हजार रूपिया के चेक प्रदाय करे गीस।
अइसनहे मुख्यमंत्री श्रमिक सियान सहायता योजना के तहत 100 हितग्राही मन ल 20 लाख रूपिया के चेक, मुख्यमंत्री निर्माण श्रमिक आवास सहायता योजना के तहत 34 हितग्राही मन ल 34 लाख रूपिया, मुख्यमंत्री निर्माण श्रमिक मृत्यु अउ दिव्यांग सहायता योजना के तहत 29 हितग्राही मन ल 30 लाख 50 हजार रूपिया अउ मुख्यमंत्री नोनी बाबू मेधावी शिक्षा सहायता योजना के 16 हितग्राही मन ल कुल एक लाख 29 हजार रूपिया के चेक देहे गीस।