रायपुर, नेहा राठौर के खबर/ मुख्यमंत्री दाई-दीदी मोबाइल क्लीनिक के माध्यम ले अभी तक ले कम बेसि कर के 2102 कैम्प लगा डारे हवय। दाई-दीदी क्लीनिक कोती ले रईपुर, बेलासपुर अउ भिलाई नगर निगम क्षेत्र के झुग्गी बहुल बस्ति मन म रहोइया एक लाख 58 हजार 953 महिला अउ बालिका मन के ओकर घर के तिरे म ही दाई-दीदी क्लीनिक कैंप के माध्यम ले इलाज होए हे। छत्तीसगढ़ शासन के नगरीय प्रशासन अउ विकास विभाग कोती ले मुख्यमंतरी दाई-दीदी क्लिनिक योजना संचालित करे जाथ हे।योजना के संचालन ब मोबाइल मेडिकल यूनिट के वाहन म महिला चिकित्सक अउ महिला इस्टॉफ के टीम पहुंचथे अउ जेन मन ल जरूरत हे तेन महिला अउ बालिका मन के अलग अलग बीमारि के निःशुल्क जांच अउ इलाज करथे।
ए मोबाइल मेडिकल यूनिट कोती ले 30 हजार 888 महिला मन के लैब टेस्ट करे गए हे अउ एक लाख 49 हजार 869 महिला मन ल निःशुल्क दवई तको दिए गए हे।
मुख्यमंतरी दाई-दीदी क्लीनिक: 1.58 लाख महिला मन के होइस निःशुल्क इलाज
