रायपुर, मुख्यमंत्री दाई-दीदी मोबाइल क्लीनिक के माध्यम ले अब तक करीब 1969 कैम्प लगाए जा चुके हे। दाई-दीदी क्लीनिक के माध्यम ले रायपुर, बिलासपुर अउ भिलाई नगर निगम क्षेत्र के स्लम बस्ती म म रहवईया 1 लाख 47 हजार 362 महिला अउ नोनी मन के ऊंखर घर तीर म दाई-दीदी क्लीनिक कैंप के माध्यम ले इलाज करे गए हे।
जानबा हे कि छत्तीसगढ़ शासन के नगरीय प्रशासन अउ विकास विभाग कोति ले मुख्यमंत्री दाई-दीदी क्लिनिक योजना संचालित करे जात हे। योजना के तहत दाई-दीदी क्लिनिक के मोबाइल मेडिकल यूनिट के वाहन म महिला चिकित्सक अऊ महिला स्टॉफ के टीम पहुंचथे अऊ जरूरतमंद महिला अउ नोनी के कई ठन बीमारी के निःशुल्क इलाज करथे। ए मोबाइल मेडिकल यूनिट ह 28 हजार 94 महिला मन के लैब टेस्ट करे हे अऊ 1 लाख 40 हजार 333 महिला मन ल निःशुल्क दवई तको देहे हे।
मुख्यमंत्री दाई-दीदी क्लीनिक: 1.47 लाख ले जादा महिला मन के होइस निःशुल्क इलाज
