- मुख्यमंत्री फ्लैगशिप योजना मन के जानकारी आम-नागरिक मन तक पहुँचाए बर वेबसाईट अउ मोबाइल एप के लोकार्पण
- एक किलिक म योजना मन के जम्मो जानकारी मिलही
- सुराजी गांव अऊ फ्लैगशिप योजना मन बर बनाय गए हे मुख्यमंत्री दर्पण वेबसाईट हर एक योजना मन बर मोबाइल एप के घलोक निर्माण
- रियल टाइम अपडेट होही सबो योजना मन के डेटा
- पोर्टल ले नागरिक सीधा मुख्यमंत्री ले कर सकही संवाद
रायपुर, 10 जून 2020/ मुख्यमंत्री श्री भूपेश बघेल ह आज अपन निवास कार्यालय म कलेक्टर कॉन्फ्रेंस के पहिली मुख्यमंत्री दर्पण वेबसाईट अऊ मोबाइल एप के लोकार्पण करिन। ए वेबसाईट के संग मुख्यमंत्री श्री भूपेश बघेल राज्य सरकार के सुराजी गांव योजना संग आन फ्लैगशिप योजना मन के नियमित माॅनिटरिंग कर सकहीं उहें ए वेबसाईट अऊ मोबाइल एप के जरिए आमजन ए योजना मन के जानकारी आसानी ले प्राप्त कर सकहीं। ए वेबसाईट अऊ मोबाइल एप के निर्माण चिप्स ह करे हे।
श्री भूपेश बघेल ह चिप्स के अधिकारी मन ल बधाई देवत कहिन के मुख्यमंत्री दर्पण पोर्टल अऊ मोबाइल एप के ले सीधा मुख्यमंत्री सचिवालय ले योजना मन के प्रगति के समीक्षा अऊ निगरानी होही। योजना मन के जम्मो जानकारी सही समय म आम-नागरिक मन बर घलोक उपलब्ध रइही।
ये अवसर म मुख्य सचिव श्री आर.पी.मंडल, अपर मुख्य सचिव श्री अमिताभ जैन, चिप्स के मुख्य कार्यपालन अधिकारी श्री समीर विश्नोई अउ मुख्यमंत्री सचिवालय म उपसचिव सुश्री सौम्या चौरसिया संग बहुत अकन वरिष्ठ अधिकारी उपस्थित रहिन।
