रायपुर, 22 अगस्त 2021। पूर्व महापौर अऊ नगर निगम के सभापति प्रमोद दुबे मुख्यमंत्री भूपेश बघेल के जन्मदिन म गजब आयोजन करइया हे। ये आयोजन म मुख्यमंत्री भूपेश बघेल के सहिनाव अइसे 25 विशिष्ट मनखे मन के सम्मान करे जाही जे मन सामाजिक, आर्थिक, शैक्षणिक, राजनीतिक क्षेत्र म बेहतरीन काम करे हें।
मुख्यमंत्री के सहिनाव मन के अइसन सम्मान शहर म पहली पइत करे जात हे। एके नाम के अतीक मनखे एके जगा इतिहास म पहली पइत सकलाहीं, जेकर सम्मान होही। ये आयोजन रायपुर शहर के आनंद समाज वाचनालय बाम्हन पारा म होही, तेमा सभापति प्रमोद दुबे विधायक विकास उपाध्याय अऊ जिला कांग्रेस कमेटी के अध्यक्ष गिरीश दुबे अऊ वरिष्ठ कांग्रेस जन मौजूद रइहीं।
23 अगस्त: मुख्यमंत्री दाऊ भूपेश बघेल के जनम दिन म काली होही गजब आयोजन, वोकर 25 सहिनाव मन के होही सम्मान
