सुशासन तिहार 2026 के समाधान सिविर म मुख्यमंत्री श्री विष्णु देव साय ह हितग्राही मन ले करीन सीधा गोठ-बात
बलौदाबाजार, सुशासन तिहार 2026 के अंतर्गत बलौदाबाजार जिला के करहीबाजार म आयोजित समाधान सिविर म मुख्यमंत्री विष्णु देव साय ह संघरिन। ए बेरा म उमन अलग-अलग योजना के हितग्राही मन ले बात-चीत करके योजना मन ले मिलत लाभ के जानकारी लीन।
सिविर मं मुख्यमंत्री बिजली बिल भुगतान समाधान योजना 2026 के तहत बहुत झन उपभोक्ता मन ला बिजली बिल मं राहत देहे गीस। हितग्राही मन ह बताईन् के योजना ले ओमन ला आर्थिक राहत मिले हे अउ बांचे बिजली बिल के चिंता लगभग कम होगे हवय।
बलौदाबाजार जिला के ग्राम बिटकुली के रहइया श्री आशाराम ला 11 हजार 625 रुपिया, श्री बाबूलाल ला 14 हजार 922 रुपिया, श्री जगदीश ला 9 हजार 832 रुपिया, श्रीमती बुधियारिन ला 8 हजार 467 रुपिया अउ श्री चोवाराम ला 13 हजार 325 रुपिया के छूट मिलीस।
हितग्राही मन ह मुख्यमंत्री ले गोठ-बात के समें बताईन के पहिली बाढ़े बिजली बिल के सेती आर्थिक परेशानी के सामना करे बर परत रहिस, फेर मुख्यमंत्री बिजली बिल भुगतान समाधान योजना ले ओमन ला बड़ राहत मिले हे। उमन कहिन के अब ओमन बिना अतिरिक्त बोझ के बिना नियम से बिजली बिल के भुगतान कर पावत हें।
मुख्यमंत्री श्री विष्णु देव साय ह कहिन के राज्य सरकार के उद्देस्य आम जनता ला राहत पहुंचाना अउ उमन के समस्या मन के संवेदनशीलता के संग समाधान करना हवय। उमन कहिन के सरकार जनकल्याणकारी योजना मन के माध्यम ले समाज के हर वर्ग तक सहायता पहुंचाए बर सरलग काम करत हवय।
हितग्राही मन ह मुख्यमंत्री अउ राज्य सरकार के प्रति आभार जतावत कहिन के ए योजना ह आर्थिक रूप से कमजोर परिवार मन बर बड़ सहायक साबित होवत हवय।
