मुख्यमंत्री ह स्वतंत्रता संग्राम सेनानी अउ पूर्व विधायक देव प्रसाद आर्य के निधन म गहरा दुःख व्यक्त करिन

रायपुर, 1 सितंबर 2020। मुख्यमंत्री भूपेश बघेल ह स्वतंत्रता संग्राम सेनानी, शिक्षक अउ पूर्व विधायक देव प्रसाद आर्य के निधन म गहरा दुःख व्यक्त करिन हे। ओमन शोक संतप्त परिवारजन मन के प्रति गहरा संवेदना व्यक्त करत हुए ये दुख के घड़ी ल सहन करे के शक्ति प्रदान करे बर ईश्वर ले प्रार्थना करे हे।
उल्लेखनीय हे कि देव प्रसाद आर्य ह तत्तकालीन मध्यप्रदेश के बेरा राजनांदगांव जिला के अम्बागढ चौकी विधानसभा क्षेत्र ले वर्ष 1962 ले 1972 तक निर्वाचित होके क्षेत्र ल उल्लेखनीय सेवा दे हे। ओमन स्वतंत्रता संग्राम म घलो हिस्सा लिस, जेखर फलस्वरूप वो एक दिसंबर 1942 ले 29 जुलाई 1943 तक रायपुर जेल म घलो रहिस। आर्य के सोमवार के राजनांदगांव जिला के मानपुर तहसील स्थित गृह ग्राम हथरा म निधन होगे।