रायपुर, 11 नवम्बर 2020। मुख्यमंत्री भूपेश बघेल ह प्रदेशवासी मन ल धनतेरस पर्व के बधाई अउ शुभकामना दीन हे। धनतेरस के पूर्व संध्या म अपन बधाई संदेश म कहिन हे की धनतेरस ले दीपावली पर्व के शुरुआत हो जाथे। ये दिन धन, समृद्धि अउ ऐश्वर्य बर धन के देवता कुबेर के संग भगवान धन्वंतरि के पूजा करे जाथे। मुख्यमंत्री बघेल ह धनतेरस म प्रदेशवासी मन के जीवन म सुख, समृद्धि के कामना करत हुए कहिन कि धनतेरस के तिहार सबो के जीवन म खुशहाली अउ आरोग्य लेके आए। संग ही अपील करिन हे कि खुशी देहे अउ बांटे ले बढ़थे, त ये दीवाली म कुम्हार मन जइसे हुनरमंद अउ छोटे व्यवसाय करइया मन ले दिया, सजावट के समान अउ अन्य सामान के खरीदी करके उंखर दिवाली ल खुशहाल बनाव। प्रदेश के जनता ले कोरोना महामारी ले बचाव बर कोरोना गाइड लाइन के अनिवार्य रूप ले पालन करे के अपील घलो करे हे।
गुरतुर गोठ बर- भीषम वर्मा
